Aneth Kushaba Arejea Nyumbani

Aneth Kushaba akiwasili katika uwanja wa ndege wa kimataifa wa J.K. Nyerere jioni ya leo,akitokea nchini Kenya kunakofanyika mashindano ya Tusker Project Fame.

Aliekua mshiriki wa Tusker Project Fame,Aneth Kushaba akiongea na kutoa shukrani wa wadau wa SBL pamoja na Watanzania kwa ujumla waliokuwa wakimpigia kura katika shindano hilo mpaka kufikia hapo alipofikia na kuwashauri Watanzania waweze kumpigia kura mshiriki Mtanzania aliebaki katika kinyang'anyiro hicho kinachoendelea huko jijini Nairobi nchini Kenya.Aneth aliyasema hayo muda mfupia mara baada ya kuwasili nnchini kwa ndege ya Kenya Airways jioni hii katika uwanja wa ndege wa kimataifa wa J.K. Nyerere.

Meneja wa Bia ya Tusker,Nandy Mwiyombella akizungumza jioni ya leo wakati wa kumpokea aliekuwa mshiriki wa Tusker Project Fame,Aneth Kushaba (shoto) katika uwanja wa ndege wa kimataifa wa J.K. Nyerere jioni hii.

Aneth akiwa na Rafikiyake.

Aneth Kushaba Arejea Nyumbani

Aneth Kushaba akiwasili katika uwanja wa ndege wa kimataifa wa J.K. Nyerere jioni ya leo,akitokea nchini Kenya kunakofanyika mashindano ya Tusker Project Fame.

Aliekua mshiriki wa Tusker Project Fame,Aneth Kushaba akiongea na kutoa shukrani wa wadau wa SBL pamoja na Watanzania kwa ujumla waliokuwa wakimpigia kura katika shindano hilo mpaka kufikia hapo alipofikia na kuwashauri Watanzania waweze kumpigia kura mshiriki Mtanzania aliebaki katika kinyang'anyiro hicho kinachoendelea huko jijini Nairobi nchini Kenya.Aneth aliyasema hayo muda mfupia mara baada ya kuwasili nnchini kwa ndege ya Kenya Airways jioni hii katika uwanja wa ndege wa kimataifa wa J.K. Nyerere.

Meneja wa Bia ya Tusker,Nandy Mwiyombella akizungumza jioni ya leo wakati wa kumpokea aliekuwa mshiriki wa Tusker Project Fame,Aneth Kushaba (shoto) katika uwanja wa ndege wa kimataifa wa J.K. Nyerere jioni hii.

Aneth akiwa na Rafikiyake.

MAKAMU WA RAIS DR. MOHAMMED GHARIB BILAL AWASILI DODOMA KUSAIDIANA NA RAIS JAKAYA MRISHO KIKWETE KUUNDA SERIKALI

Makamu wa Rais Dk. Mohamed Gharib Bilal, akisalimiana na baadhi ya Viongozi wa Mkoa wa Dodoma mara baada ya kuwasili kwenye Uwanja wa Ndege wa mjini Dodoma leo kwa ajili ya kukutana na Rais Jakaya Kikwete ikiwa ni maandaliazi ya kuunda Serikali mpya ya awamu ya pili ya uongozi wa Rais Jakaya Kikwete ambapo kesho jina la Waziri Mkuu linatarajiwa kutajwa. Picha na Muhidin Sufiani

Grand Malt kudhamini Tamasha la Wanavyuo Vya Elimu ya Juu

Meneja wa Kinywaji cha Grand Malt,Cosolata Adam akizungumza na waandishi wa Habari (hawapo pichani) leo jijini Dar,kuhusiana na tamasha la wanafunzi wa vyuo vya elimu ya juu litakalofanyika katika viwanja vya TCC klabu,Chang'ombe.

Kiongozni wa Michezo wa Chuo Kikuu cha Dar es Salaam (UDSM),Kayumba Torokoko akitoa shukrani kwa wadhamini wao Grand Malt ambao ndio wawezeshaji wakubwa wa tamasha la Wanafunzi wa Vyuo vya Elimu ya Juu,Jijini Dar.kushoto ni Meneja wa kinywaji cha Grand Malt,Cosolata Adam.

Mratibu wa Tamasha la wanafunzi wa Vyuo vya Elimu ya Juu,Innocent Melleck akiongea na waandishi wa habari waliofika leo katika ukumbi wa mikutano wa kampuni ya Inter Grated,namna tamasha hilo litakavyofanyika siku hiyo.katikati ni Meneja wa kinywaji cha Grand Malt,Cosolata Adam na kulia ni Kiongozni wa Michezo wa Chuo Kikuu cha Dar es Salaam (UDSM),Kayumba Torokoko

Kampuni ya Bia Tanzania (TBL) kupitia kinywaji chake kisicho na kilevi cha Grand Malt leo imetangaza rasmi kudhamini tamasha kubwa la burudani litakalovishirikisha vyuo zaidi ya 20 vya elimu ya juu vilivyopo jijini Dar es salaam.

Akizungumza na Waandishi wa Habari jijini Dar es salaam Meneja wa Grand malt Bi Cosolata Adam alisema tamasha hilo ni moja kati ya matamasha makubwa ambayo yanalenga kuwakuwakutanisha wasomi katika nyanja ya burudani lakini pia kuwakaribisha wana vyuo wapya wanajiunga kuanza mwaka wa kwanza wa masomo wa 2010/2011.

Alisema tamasha hilo litafanyika katika viwanja vya TCC Club Chang”ombe siku ya jumamosi ya tarehe 20 November 2010 kuanzia saa nne asubuhi hadi saa kumi na mbili jioni hivyo kuwaomba wanavyuo wote kushiriki kwa wingi katika tamasha hilo ambalo HALITAKUWA NA KIINGILIO CHOCHOTE.

Alisema Grand Malt imeamua kudhamini tamasha hilo kutokana na kuthamini na kutambua mchango wa wanavyuo kiujumla na umuhimu wao katika ujenzi wa Taifai hivyo kuana umuhimu wa kuwakutanisha na kwa pamoja kushiriki kwenye michezo mbalimbali ikiongozwa na buruni tofautitofauti zitakazokuwa katika tamasha hilo.

Bi Consolata aliwataka wanavyuo kutumia vyema tamasha hilo kwa kushiriki katika michezo mbambali na pia kuweza kupata wasaa wa kubadilishana mawazo miongoni mwa wanavyuo wa chuo kimoja na kingine.

Kwa upande wake Mratibu wa tamasha hilo bwana Innocent Melleck alisema maandalizi kwaajili ya tamasha hilo yamekamilika kwa kiwango kikubwa na kilichobakia ni siku pekee ya kufanyika kwa tamasha hilo.

Alisema tamasha hilo ambalo linashirikisha wanavyuo walio katika vyuo vya elimu ya juu jijini Dar es salaaa linajulikana kwa jina la INTELLECTUALS GRAND BONANZA 2010 litaongozwa na wanamuziki wa muziki wa kizazi kipya wanaotamba katika ulingo wa burudani nchini hivi sasa ikiwa ni pamoja na kundi zima la wanaume Familly (TMK) chini ya Mheshimiwa Temba na Chege mtoto wa mama Said na Crew nzima ya kundi hilo, lakini pia mwanamuziki Chid Benz atafanya vitu vyake katika kuhakikisha wanavyuo wanapata burudani ya kipekee kwa wakati wote huku mtangazaji mahiri wa kipindi cha Planet Bongo kinachorushwa na kituo cha Redio cha Africa Mashariki (East Africa Radio) bwana Dullah Hamis Ambua atakuwa akisherehesha kwa wakati wote.

Bwana Melleck alisema pamoja na wanamuziki hao lakini pia wanavyuo wenye vipaji vya kuimba watapatiwa nafasi ya kuonyesha vipaji vyao kwa kupanda jukwaani na kuimba sambamba na wanamuziki wakongwe ili pia kuweza kujifunza kwa wenzao walioweza kufanikiwa katika nyanja hiyo "Huu ni wakati wa wanavyuo kukutana pamoja,kubadilishana mawazo kwa pamoja lakini pia kuna umuhimu wa wasomi kuwa na mtazamo chanya unaoendana kwa pamoja na hayo yote yatawezekana tu ikiwa watapata fursa ya kukutana kwa pamoja angalau mara chache kwa mwaka na kubadilishana mawazo alisema bwana Melleck"

Alitaja michezo itakayokuwepo siku hiyo kuwa ni pamoja na mpira wa miguu,mpira wa kikapu,mpira wa mikono,mchezo wa pool,kuvuta kamba,kukimbiza kuku,kuimba na mingine mingi itakayowafanya wote watakaoshiriki wasijisikie kuchoka.

Akitaja baadhi ya vyuo shiriki alisema ni pamoja na Chuo kikuu cha Dar es salaam,Chuo kikuu Ardhi,Chuo cha Ustawi wa Jamii,Chuo cha usimamizi wa Fedha (IFM)Chuo cha biashara CBE,choa cha uhasibu TIA,chuo cha kodi,Chuo cha DIT,chuo cha usafirishaji,Chuo kikuu cha Tumaini,Chuo kikuu Huria,Chuo kikuu muhimbili,Chuo cha IMTU,chuo cha Elimu DUCE,Taasisi ya uandishi wa habari na Mwasiliano ya umma SJMC, chuo cha uandishi wa habari Cha DSJ,Chuo cha habari cha TIMES,chuo cha habari Royal college of Tanzania,na chuo cha Day star vyote vya Dar es salaam.

Aidha baadhi ya viongozi wa vyuo mbalimbali walisema kimsingi vyuo vyoa vimejiandaa vyema katika kushiriki na kuishukuru Grand Malt na Mratibu kwa kuweza kuandaa tamasha hilo ambalo litakuwa kichecheo kikubwa kwa wanavyuo na nyanja ya elimu kiujumla.

Walisema kimsingi wanavyuo watatumia nafasi hiyo vizuri kwa kufahamiana na kufurahi kwa pamoja kwa kushiriki kwenye michezo mbalimbali iliyoandaliwa lakini pia ni fursa nzuri ya kukaribisha wanavyuo wanaoanza mwaka wa kwanza vyuoni kwa hivi sasa

SITTA AAPISHWA NA ANNA MAKINDA KUWA MBUNGE

Spika wa zamani wa Bunge, Samwel Sitta akiapa kuwa mbunge wa Urambo Mashariki mjini Dodoma leo. Sitta aliapa mbele ya Spika wa sasa Anna Makinda ambaye alikuwa naibu wake.

RAIS KIKWETE AMPONGEZA ANNA MAKINDA KUSHINDA USPIKA WA BUNGE

UNITED REPUBLIC OF TANZANIA

DIRECTORATE OF PRESIDENTIAL COMMUNICATIONS

Telephone: 255-22-2114512, 2116539

E-mail: press@ikulu.go.tz

Website: www.mawasilianoikulu.go.tz

Fax: 255-22-2113425

PRESIDENT’S OFFICE,

THE STATE HOUSE,

P.O. BOX 9120,

DAR ES SALAAM.

Tanzania.

Rais Jakaya Mrisho Kikwete amemtumia salamu za Pongezi Mheshimiwa Anne Makinda kwa kuchaguliwa kuwa Spika wa Bunge la Jamhuri ya Muungano wa Tanzania.

Katika salaam zake, Rais amesema, Spika Makinda amechaguliwa kwa sababu ya uwezo wake, uzoefu na umakini wake.

“Ninakuahidi ushirikiano wangu katika shughuli zako za bunge na za kujenga nchi yetu kwa ujumla” Rais Amesema na kuongeza kuwa kuchaguliwa kwa Mama Makinda.

“Ni heshima kwa Chama Cha Mapinduzi, umejenga imani kubwa kwa wanawake na umewatia moyo na shauku ya kufanya kazi kwa ufanisi na ueledi katika jitihada zao za kushika nyadhifa mbalimbali za maamuzi.” Rais amesema na kumtakia kheri katika shughuli zake za kila siku.

Imetolewa na Premi Kibanga,

Mwandishi wa Habari wa Rais Msaidizi,

Ikulu

Dar-es-salaam.

12 Novemba, 2010

MBIO ZA VODACOM MWANZA CYCLE CHALLENGE ZATIMUA VUMBI UPANDE WA "WALEMAVU" LEO

Mkuu wa Wilaya ya Nyamagana Said Ally Amanzi, akiinua bendera kama ishara ya uzinduzi rasmi kwa mbio za Vodacom Mwanza Cycle Challenge kwa upande wa walemavu,zilizofanyika leo katika.

Afisa udhamini wa Vodacom Tanzania Ibrahim Kaude(kushoto) na Mtaalamu wa Mambo ya Habari wa kampuni hiyo Matina G. Nkurlu wakiwavalisha namba za ushiriki wa mashindano ya Vodacom Mwanza cycle Challenge kwa upande wa wanawake walemavu kabla ya mashindano hayo kuanza.Mshindi wa mashindano ya Vodacom Mwanza Cycle Challenge Helena Mwendesha (48) kwa upande wa wanawake walemavu akimalizia mbio hizo na kuibuka mshindi kuwa mshindi wa kwanza kwa kutumia dakika 40:27 kwa kilometa 10.

Mshindi wa mashindano ya Vodacom Mwanza Cycle Challenge Omary Matangajo(37) kwa upande wa wanaume walemavu akimalizia mbio hizo na kuibuka mshindi kuwa mshindi wa kwanza kwa kutumia dakika 42:48:02 kwa kilometa 15.

Washiriki wa mashindano ya Vodacom Mwanza Cycle Challenge wakichuana vikali katika mbio hizo.

Maafisa usalama barabarani Mkoa wa Mwanza wakiweka mikakati ya kudhibiti hali ya usalama barabarani wakati wa mashindano ya Vodacom Mwanza cycle Challenge kwa walemavu kabla ya mashindano kuanza rasmi.

Baadhi ya wakaazi wa jiji la Mwanza wakishuhudia mbio za Vodacom Mwanza Cycle Challenge.

LEO katika mashindano ya baiskeli ya 'Vodacom Cycle Challenge', wakimbiaji zaidi ya 400 walichuana kuwania mataji yaliyoandaliwa na kampuni ya simu za mkononi ya Vodacom yanayofanyika jijini Mwanza kwa wanaume kukimbia mbio za umbali wa kilomita 196 na wanawake kilomita 80.

Akizungumza na Waandishi wa habari jana, Ofisa Matukio na Udhamini wa Vodacom, Rukia Mtingwa alisema taratibu za mashindano hayo zimekamilika kwa kiasi kikubwa ambako taratibu za usalama zimekamilika sambamba na masuala mengine yanayohusu mashindano.

Mtingwa alisema wakazi wa maeneo zinapofanyika mbio hizo ambako wajitahadhari na ajali kutoka kwa wakimbiaji watakaoshiriki mashindano hayo.

Aidha mbali ya mashindano ya leo, katika mashindano ya walemavu yaliyofanyika jana, bingwa wa mwaka jana kwa alemavu wa kiume, Omar Matangajo wa Sengerema alinyakua kwa mara nyingine sh 400,000 baada ya kutumia dakika 42:48.02 ambaye alishiriki mbio za umbali wa Kilomita 15 wakati mshindi wa pili Sayuda Pigi alitumia dakika 44:03.33 ambaye alinyakua sh 250,000.

Kwa upande wa wanawake bingwa wa mwaka jana Hellena Mwendesha wa Igoma alinyakua kwa mara nyingine nafasi ya kwanza baada yakutumia dakika 40.27 na kupata sh 400,000 wa pili ni Elizabeth Kishiwa wa Igoma ambaye alitumia dakika 41.29 na unyakua sh 250,000 na wa tatu ilikwenda kwa Exaverina Exavery wa Isamilo alitumia dakika 46.02 na kunyakua sh 150,000.

Katika mashindano hayo walipata matatizo barabarani ni Emmanuel Matiku wa Isamilo ambaye alipata kizunguzungu akiwa mashindanoni na Shija Kidesheni wa Mbagala Dar es Salaam aliharibikiwa pedal zake mashindanoni.

Mkuu wa Wilaya ya Nyamagana Said Ally Amanzi anatarajiwa kuwa mgeni rasmi katika mashindano ya leo ambako pia jana ndiye alikuwa mgeni rasmi akimwailisha Mkuu wa Mkoa wa Mwanza, Abbas Kandooro ambaye yuko bungeni Dodoma.

NayeKatibu Mkuu wa Chama cha Baiskeli Tanzania (CHABATA),Lado Haule alisea mikoa zaidi ya 15 imejitokeza kuwania taji la mashindano hayo ni wenyeji Mwanza, Arusha, Shinyanga, Dodoma, Morogoro, Pwani, Dar es Salaam, Lindi, Mtwara, Iringa,

Mshindi wa kwanza wa mashindano hayo kwa wanaume atazawadiwa sh 1500,000, wa pili atajitwalia sh 1000,000 wa tatu atazoa sh 700,000, mshindi wa ne hadi wa 10 kila mmoja atapata sh 500,000 na wa 11-30 kila mmoja atapata sh 250,000 na kuanzia wa 21 hadi 30 kila mmoja atapata sh 90,000.

Kwa upande wa wanawake mshindi atapata sh 1100,000 wa pili sh 800,000 wa tatu sh 600,000, wa nne hadi 10 kila mmoja atapata sh 350,000, wa 11-20 kila mmoja atazawadiwa sh 130,000 na kuanzia wa 21-30 kila mmoja atajitwalia sh 70,000.

Wadhamini wa mashindano hayo ni Knight Support kampuni ya vinywaji baridi ya Pepsi sambamba na Alphatel.

chenge,sitta kimenuka uspika

KAMATI Kuu ya CCM imewapitisha Anna Abdallah, Anna Makinda na Kate Kamba kuingia katika kinyanganyiro cha uspika wa Bunge la Jamhuri ya Muungano wa Tanzania kupita chama hicho.Hata hivyo majina hayo yatapelekwa kwenye Halmashauri Kuu ya CCM kwa ajili ya kumpata mgombea mmoja atakayechuana na wagombea wengine watakaojitokeza kuwani uspika.

Matokeo hayo yamewatupa nje wagombea wanaume walioomba nafasi hiyo kupitia CCM wakiwemo mahasimu wawili Samuel Sitta aliyekuwa Spika wa Bunge la Tisa na Andrew Chenge. Wanachama 13 wa CCM waliomba kuteuliwa kuwania nafasi hiyo nyeti katika Bunge ambacho ni chombo cha juu cha kutunga sheria.

Akizungumza na waandishi wa habari mjini Dodoma jana Katibu Mkuu wa CCM, Yusufu Makamba alisema wamechukua uamuzi huo wakizingatia kuwa umefikia wakati wanawake waongoze vyombo vya dola.

"Watanzania wote wanafahamu utendaji wa Spika aliyepita hatuna tatizo naye, lakini chama chetu kupitia Kamati Kuu kimeona kuwa umefika wakati wa wanawake kupewa muhimili japo mmoja wa dola," alisema Makamba.

Spika aliyemaliza muda wake Samuel Sitta akisalimiana na Mbunge wa Bariadi Magharibi Andrew Chenge muda mfupi kabla ya kuanza kwa kikao cha Kamati kuu ya CCM mjini Dodoma.

Kupitishwa kwa akina mama hao ambao wanaonekana kuwa na uzoefu wa aina tofauti katika siasa ndani na nje ya CCM, kunakipa chama hicho changamoto kubwa katika kuongoza Bunge la 10 ambalo lina wabunge wengi wa upinzani na wenye uwezo mkubwa tofauti na ilivyokuwa katika mabunge yaliyopita.

Mara baada ya kutolewa taarifa hizo umati watu waliouwa wamefika katika mkutano huo uliofanyika katika jengo Makao Makuu ya CCM mjini Dodoma walinyong'onyea, huku baadhi yao wakisema mapendekezo ya kamati kuu ni tofauti ya matarajio yao.

Chini ya Sitta, Bunge lililopita liliweza kuonyesha dhahiri uwezo wake kwa kuzingatia Sheria na kutoa maamuzi yalioongeza demokrasia bungeni.

Awali mahasimu wawili waliokuwa wakiwania kiti cha uspika, Chenge na Sitta walionekana kuficha uhasama wao kwa kukumbatiana mbele ya wajumbe wa Kamati Kuu walipokuwa ukumbini.

Kikao cha Kamati Kuu kilichokutana kwa ajili ya kuteua majiba ya wanaowania uspika kupitia CCM kilianza saa 9:25 za jioni na kilihudhuriwa na wajumbe 35 kati ya wajumbe 39 waliotakiwa kushirikia katika kikao.

Chenge aliyekuwa amekaa na Makinda kwenye ukumbi wa mkutano alikuwa wa kwanza kumuita Sitta alipoingia ukumbini.

Sitta alipoingia ukumbini aliwasalimia wajumbe wa mkutano huo kwa kuwapungia mkono, lakini Chenge alimuita kumtaka wasalimiane kwa karibu naye bila ya kusitaalikwenda katika kiti wakasalimiana na kukumbatiana.

“Haya ni mambo ya kawaida naona waandishi wa habari wanataka kuchukua na picha wakidhani kuwa ni jambo kubwa. Ndani ya CCM hivi ni vitu vya kawaida tu,” alisema Sitta.

Kikwete aliwaambia wajumbe wa kamati hiyo kuwa kikao kilikuwa ni halali kwani kilihudhuriwa na wajumbe wengi na kuwataja walishindwa kuhudhuria kuwa ni Benjamin Mkapa, Dk Salmin Amour pamoja na Waziri Kiongozi wa Serikali ya Mapinduzi ya Zanzibar ambaye hata hivyo, cheo hicho hakipo kwa sasa.

Kabla ya mkutano huo kuanza katibu wa CCM, Yusufu Makamba alimuita Naibu Katibu Mkuu, Kapteni George Mkuchika na kuteta naye kabla ya kumuita Katibu wa Itikadi na Uenezi, Kapteni John Chiligati amba walisimama kwa dakika kadhaa kisha wakaingia kwenye chumba alichokuwepo mwenyekiti Jakaya Kikwete.

Kikwete aliingia katika kikao hicho akiongozana na Rais wa Serikali ya Mapinduzi Zanzibar, Dk Ali Mohamed Shein, Makamu Mwenyekiti wa CCM (Bara) Pius Msekwa, Makamu Mwenyekiti (Zanzibar), Aman Karume, Rais mstaafu wa Awamu ya Pili, Ali Hassani Mwinyi na Waziri MKuu Mstaafu, John Malecela.

Baada ya kikao kufunguliwa hicho Mwenyekiti wa CCM aliwaambia wajumbe kuwa cheo kilichokuwa cha Waziri Kiongozi wa Serikali ya Mapinduzi Zanzibar hakipo tena hivyo nafasi hiyo itachukuliwa na makamu wa pili wa rais.

“Hapa katiba haisemi hivyo, lakini huu ndio ukweli kuwa cheo cha Waziri Kiongozi wa Serikali ya Mapinduzi Zanzibar hakipo tena, hivyo naamini kuwa nafasi hiyo inatakiwa kuchukuliwa na Makamu wa Pili wa Rais ingawa,” alisema Kikwete.
chanzo-global publisherz

Dr. Bilal awasili Dodoma tayari kwa kuhudhuria mkutano wa kamati ya halmashauri kuu

Makamu wa Rais Dk. Mohamed Gharib Bilal, akisalimiana na wazee wa mkoa wa Dodoma, wakati alipowasili kwenye Uwanja wa Ndege wa mjini Dodoma leo Nov 10, ikiwa ni ziara yake ya kwanza kufanya mkoani hapa tangu apate wadhifa huo. Kiongozi huyo atakuwa mkoani hapa kuhudhuria mikutano ya CCM katika ngazi za Kamati Kuu na Halmshauri Kuu na kisha sherehe za kuapishwa wabunge sambamba na uteuzi wa Waziri Mkuu.

Makamu wa Rais Dk. Mohamed Gharib Bilal, akipunga mkono kuwasalimu wananchi wa mkoa wa Dodoma, wakati alipowasili kwenye Uwanja wa Ndege wa mjini Dodoma leo Nov 10, ikiwa ni ziara yake ya kwanza kufanya mkoani hapa tangu apate wadhifa huo. Kiongozi huyo atakuwa mkoani hapa kuhudhuria mikutano ya CCM katika ngazi za Kamati Kuu na Halmshauri Kuu na kisha sherehe za kuapishwa wabunge sambamba na uteuzi wa Waziri Mkuu
Makamu wa Rais Dk. Mohamed Gharib Bilal, akifurahia ngoma ya asli ya Kabila la Wagogo baada ya kuwasili kwenye Uwanja wa ndege wa mjini Dodoma leo Nov 10, ikiwa ni ziara yake ya kwanza kufanya mkoani hapa tangu apate wadhifa huo. Kiongozi huyo atakuwa mkoani hapa kuhudhuria mikutano ya CCM katika ngazi za Kamati Kuu na Halmshauri Kuu na kisha sherehe za kuapishwa wabunge sambamba na uteuzi wa Waziri Mkuu.
Makamu wa Rais Dk. Mohamed Gharib Bilal, akipunga mkono kuwasalimu wazee wa mkoa wa Dodoma, wakati alipowasili kwenye Uwanja wa Ndege wa mjini Dodoma leo Nov 10, ikiwa ni ziara yake ya kwanza kufanya mkoani hapa tangu apate wadhifa huo. Kiongozi huyo atakuwa mkoani hapa kuhudhuria mikutano ya CCM katika ngazi za Kamati Kuu na Halmshauri Kuu na kisha sherehe za kuapishwa wabunge sambamba na uteuzi wa Waziri Mkuu

LEO NDO LEO USPIKA KWA TIKETI YA CCM

MBIO za kusaka nafasi ya kuwakilisha CCM katika kiti cha Uspika wa Bunge, zinatarajiwa kuingia katika hatua muhimu leo, kwa Kamati Kuu (CC) ya chama hicho kuketi mjini Dodoma kuchuja wagombea na kupitisha majina matatu.
Wanachama 13 wamejitokeza ndani ya CCM wakisaka kuteuliwa kuwania nafasi hiyo nyeti katika Bunge ambacho ni chombo cha juu cha kutunga sheria.
Kikao hicho cha CC, kinafanyika wakati mpasuko ulioundiwa kamati maalumu ya mzee Ali Hassan Mwinyi, ukiwa na kila dalili ya kurejea upya baada ya mmoja wa wagombea uspika Andrew Chenge, kuibuka hadharani na kugusa majeraha ambayo yamekuwa yakishughulikiwa na Waziri Mkuu.

Makombora hayo ambayo Chenge aliyaelekeza kwa uongozi wa Bunge la Tisa, lililoongozwa na Samuel Sitta, yalichefua Watanzania wa kada mbalimbali ambao walimshambulia mwanasheria mkuu huyo wa zamani, wakisema hana mamlaka ya kimaadili kumnyooshea kidole mkuu huyo wa bunge lililomalizika kutokana na kazi nzuri aliyoifanya.
Lakini, vita hiyo ya maneno aliyoanzisha Chenge, mwelekeo wake unatarajiwa kuanza kuonekana leo, baada ya ratiba ya CCM kuonyesha kuwa kamati hiyo, itaanza kikao chake mchana hadi jioni na kupitisha majina matatu.

Katibu Mkuu wa CCM, Yusuf Makamba, aliliambia gazeti hili jana, akielekea Dodoma kuhudhuria kikao hicho kwamba, madhumuni ni kufanya mchujo wa wagombea na kubakisha majina matatu yatakayopelekwa kwenye Kamati ya Wabunge wa CCM.
Hata hivyo, Makamba alipoulizwa iwapo haoni kama tuhuma nzito za Chenge alizotoa dhidi ya Sitta, zimeongeza mpasuko ambao CCM ilijaribu kutafutia mwarobini kwa kuunda kamati ya mzee Mwinyi, alihoji, "Wewe ulitaka nimfunge Chenge mdomo na kamba?"
Makamba alimtetea Chenge akisema kuwa anao uhuru wa kutoa maoni na kamwe, chama kisingeweza kumzuia kutoa maoni yake kwa vyombo vya habari.
"Chenge kaitisha mkutano na waandishi mwenyewe, kalipia hoteli, kazungumza maoni yake wewe unaniuliza kwa nini tunamruhusu kutoa maneno kama yale, ana uhuru," alitetea Makamba.
Hata alipoelezwa kuna tofauti kati ya uhuru wa kutoa maoni na kushambulia mtu kwa maneno makali, Makamba alihoji akisisitiza: "Maneno makali gani?, Mimi nisingeweza kumzuia Chenge kusema anachoamini."
Kwa ukali, Makamba alipinga vikali tuhuma za kuhusika na mpango unaodaiwa wa genge la watuhumiwa wa ufisadi kumshughulikia Sitta, ambaye amejijengea nguvu kubwa kwa umma kutokana na kulibadili bunge la jamhuri kuwa lenye demokrasi pana, kwa kuruhusu mijadala mizito ikiwemo ya ufisadi .
"Ukianiambia natumiwa na mafisadi hayo ni matusi, wewe (mwandishi), naona siku nyingi unaniambia mimi natumiwa na mafisadi, alifoka Makamba na kuongeza:
Ujue unanitukana!, Mimi kwetu ni Lushoto niko Dar es Salaam kikazi, nikistaafu naweza kurudi kwetu, siko hapa Dar es Salaam kwa kulishwa na mafisadi. "
Kwa upande wake Sitta, tangu aliposhambuliwa na Chenge, amekuwa kimya huku akisisitiza anaheshimu kazi nzuri iliyofanywa na kamati ya mzee Mwinyi ambayo utekelezaji wake unafanywa na waziri mkuu.
"Nadhani huu si wakati wa malumbano, ipo kazi iliyofanywa na wazee wetu kumaliza haya matatizo sasa kuanza kuturudisha nyuma itakuwa si vema. Mimi siwezi na sihitaji malumbano, chama kitaamua," alisisitiza Sitta.
Genge linaloongozwa na watuhumiwa wakubwa wa ufisadi nchini wenye kujikinga kwa mwavuli wa kisiasa ndani ya CCM, limeapa kumshughulikia Sitta kwa kuhakikisha jina lake halipiti ngazi ya Kamati Kuu.
Kwa mujibu wa vyanzo hivyo, shabaha kubwa ya mafisadi ni kumpa uspika mmoja wa wabunge wanawake ambaye naye wamemteka hivi karibuni, kwa kutumia kigezo cha usawa wa kijinsia na uzoefu, baada ya kumlipia deni la Sh1bilioni la kampuni yake.
Vyanzo hivyo vilifafanua kwamba, asilimia kubwa walioingia katika kinyang'anyiro hicho ni watu walioshinikizwa na genge hilo la mafisadi, lakini watu wawili mmoja mwanaume na mwanamke ndiyo wanaandaliwa kuwa spika, endapo mmoja wao ataangushwa.
Hata hivyo, wadadisi wa mambo ya kisiasa wanaangalia CCM kama chama kinachopita katika wakati mgumu kisiasa na kitendo chochote cha kumng'oa Sitta, kitazidi kuongeza hasira za umma na kutoa mwelekeo wa mwaka 2015.

MAALIM SEIF ATINGA SUTI NA KUSHIKA HATAMU YA MAKAMU WA KWANZA WA RAIS RASMI ZNZ

Salma Said, Zanzibar
RAIS wa Zanzibar na Mwenyekiti wa Baraza la Mapinduzi, Dk Ali Mohammed Shein amemteua Maalim Seif Shariff Hamad kuwa Makamu wa Kwanza wa rais na Seif Iddi kuwa Makamu wa Pili.

Taarifa iliyotolewa jana kwa vyombo vya habari na Katibu wa Baraza la Mapinduzi, Dk Abdulhamid Yahya Mzee imesema Rais Shein amemteu Maalim kwa mujibu wa mamlaka aliyopewa na kifungu 39(1).(2) na (3)cha Katiba ya Zanzibar.

Vilevile Dk Shein alimteua Balozi Seif Ali Idd Makamu wa Pili wa rais kwa mujibu mamlaka aliyopewa chini ya kifungu 39 (1),(2) na (6) cha katiba ya Zanzibar.

Viongozi hao wawili waliapishwa jana saa 10 jioni wakitanguliwa na shamrashamra zilizofanyika katika maeneo mbalimbali ya katika visiwa vya Unguja na Pemba.

Utuezi wa Maalim Seif ambaye ni Katibu Kkuu wa Chama cha Wananchi (CUF) kuwa makamu wa kwanza wa rais unafuatia mwafaka uliofikiwa baina na CUF na CCM Zanzibar kuunda serikali ya umoja wa kitaifa kulingana na matokeo ya uchaguzi mkuu.

Katika makubuliano hayo, mshindi wa kwanza kwenye kinyang’anyiro hicho ndiye anakuwa rais na mshindi wa pili anakuwa makamu wa kwanza wa rais. Chini ya maridhiano hayo makamu wa pili ambaye ndiye kiongozi wa shughuli za serikali huchaguliwa kutoka katika chama cha rais.

Matokeo ya uchaguzi wa rais wa Zanzibar yalimpa ushindi Dk. Shein wa CCM akifuatiwa na Maalim Seif wa CUF, hivyo kwa mujibu wa maridhiano hayona marekebisho ya Katiba ya Zanzibar, Maalim anakuwa makamu wa pili na Seif Iddi kutoka CCM anakuwa makamu wa pili na mkuu wa shughuli za serikali.

Kwa mujibu wa Katiba ya Zanzibar kifungu cha 20 (6), Makamu wa Pili wa Rais anateuliwa na Rais kutoka miongoni mwa wajumbe wa Baraza la Wawakilishi kutoka katika chama anachotoka Rais.

Marekebisho hayo ya katiba yanaeleza kuwa Makamu wa Pili wa Rais ndiye atakuwa mshauri wa Rais katika kutekeleza majukumu yake na pia atakuwa mkuu wa shughuli za Serikali ya Mapinduzi Zanzibar (SMZ).

Dk Shein ambaye anakuwa rais wa saba tangu visiwa hivyo viuondoe utawala wa kisultani mwaka 1964 alimshinda kwa tofauti ya kura chache mgombea wa CUF, Maalim Seif Sharrif Hamad.

Katika hotuba yake baada ya kuapishwa kuwa Rais SMZ wiki iliyopita, Dk Shein alisema licha ya urais kuwa jukumu kubwa na gumu, atatumia nguvu na uwezo wake wote kutekeleza wajibu wake kwa maslahi ya taifa na watu wake bila ubaguzi ili kudumisha umoja wa kitaifa visiwani humo.

Sherehe za kumwapisha Dk Shein zilizofanyika Jumatano wiki mjini Zanzibar iliyopita zilihudhuriwa na Rais wa Jamhuri ya Muungano Jakaya Mrisho Kikwete, marais wastaafu wa Serikali ya Muungano, Benjamin Mkapa, Alhaji Ali Hassan Mwinyi, Rais SMZ anayemaliza muda muda wake, Aman Karume, aliyekuwa Waziri Kiongozi, Shamsi Vuai Nahodha Rais wa Awamu ya Tano wa SMZ, Dk Salmin Amour na Waziri Mkuu wa Tanzania, Mizengo Pinda.

Wakati huo huo, Wajumbe wateule wa Baraza la wawakilishi wamemrejesha Spika Pandu Ameir Kificho katika kiti chake uspika kwa ushinda wa kura 45 dhidi ya mpinzani wake Abass Juma Mhunzi aliyepata kura 32 kati 78 zilizopiwa na kura moja iliharibika.

Viti Maalumu moto, CCM YAVUNA 65, CHADEMA 23, CUF 10

TUME ya Taifa ya Uchaguzi (Nec) imeidhinisha majina 88 ya wabunge wateule wa viti maalumu wa vyama vya CCM na Chadema na kutenga viti kumi kwa Chama cha wananchi (CUF) ambacho hakuwasilisha mapendekezo ya wanaowania nafasi hizo.Katika hatua hiyo Nec imeacha nafasi nyingine sita wazi kusubiri chaguzi za ubunge katika majimbo saba ambayo upigaji kura uliahirishwa. Kwa mujibu wa habari zilizopatikana Jijini Dar es Salaam jana chama cha CUF bado hakijawasilisha orodha ya majina ya wanawake watakaowania viti maalumu, lakini orodha hiyo ya Nec inaonyesha kuwa baadhi ya wabunge waliokuwemo wako hatarini kuachwa huku waliko katika nafasi za kwanza katika vyama vyote wakiwa na matumiani ya kupeta. Mwenyekiti wa Tume ya Uchaguzi, Jaji Lewis Makame aliliambia Mwananchi jana kwamba baada ya kukokotoa uwiano wa viti hivyo maalumu, CCM iliongoza kwa kupata viti 65, ikifuatiwa na Chadema viti 23 wakati CUF kimeambulia viti 10 pekee. Jumla ya viti vyote ni 104. Katika bunge lililopita ambalo lilikuwa na viti 75 maalumu CCM ilikuwa na viti 58, CUF viti 11 na Chadema viti sita na safari hii vimeongezwa hadi kufikia 104 na mgowanyo wake ukiwa kama ulivyoonyeshwa kwa kuingazia uwiano wa wingi wa kura za ubunge. Akizungumzia namna Nec ilivyokokotoa mgawanyo wa viti hivyo na kupata uwiano kwa kila chama, Jaji Makame alisema kisheria walivigawanya kutokana na wastani wa kura za wabunge. Kura hizo ni zile ambazo kila chama kilizipata kwenye uchaguzi mkuu uliofanyika nchini kote Oktoba 31. Kwa mujibu wa Makame, tayari Nec imeishawaandikia CUF barua mbili kwa nyakati tofauti kuitaka ipeleke orodha hiyo bila mafanikio. “Tumeshawaandikia barua mbili kuwakumbusha juu ya hatua hiyo ya kwanza Agosti na ya pili Novemba mwaka huu lakini hawakutujibu,” alibainisha Jaji Makame akisema viti hivyo vitabakia wazi hadi CUF itakapowasilisha orodha hiyo. Kuhusu viti sita vilivyoachwa wazi, Makame alisema vinasubiri matokeo ya majimbo saba ambayo uchaguzi wake haujafanyika. Majimbo ambayo uchaguzi wake uliahirishwa ni Mpanda Mjini, Mpanda Vijijini na Nkenge, yote ya Tanzania Bara na mengine manne ya Tanzania visiwani ambayo ni Mwanakwerekwe, Mtoni, Magogoni na Wete. Alisema vyama vingine vilivyoshiriki uchaguzi huo, havikupata wabunge hao wa viti maalum kutokana na kushindwa kufikisha asilimia tano ya kura za urais. “Sheria inasema, ili chama kipate wabunge wa viti maalum, kinatakiwa angalau kipate asilimia tano ya kura za urais hali ambayo vyama vingine havikutimiza,” alisema Makame. Taarifa zilizopatikana jijini Dar es Salaam zilieleza kwamba Nec itatangaza majina ya wabunge wateule wa viti maalumu kwa vyama vya CCM na Chadema leo. Hata hivyo, Mwananchi lilifanikiwa kupata orodha za majina zinazodaiwa kuwasilishwa Nec na vyama hivyo. Orodha hizo zinadawa kupangwa kulingana na uzito wa nafasi ya kuteuliwa. Kutokana na Nec kuitengea CCM nafasi 65, majina ya wanawake ambao wana nafasi kubwa kuwa kwenye orodha ya uteuzi ni Mwenyekiti wa Umoja wa Wanawake Tanzania (UWT), Sophia Simba, Gaudentia Kabaka, Ummi Mwalimu, Agness Hokororo, Martha Umbulla, Lucy Mayenga, Faida Mohamed Bakari, Felista Bura, Kidawa Hamid Saleh na Stella Manyanya. Wengine ni Maria Hewa, Hilda Ngoye, Josephine Genzabuke, Esther Midimu, Maida Hamad Abdalla, Asha Mshimba Jecha, Zarina Madabida, Namalok Sokoine, Munde Abdallah na Benardetha Mushashu. Pia wamo Vick Kamata, Pindi Chana, Fatuma Mikidadi, Getrude Rwakatare, Betty Machangu, Diana Chilolo, Fakharia Shomari Khamis, Zaynabu Vulu, Abia Nyabakari na Pudenciana Kikwembe. Lediana Mng’ong’o, Sarah Msafiri Ally, Catherine Magige, Tauhida Galos Cassian, Asha Mohamed Omari, Rita Mlaki, Anna Abdallah, Fenella Mukangara, Terezya Huvisa na Al-Shaymaa Kwegir. Margreth Mkanga, Angellah Kairuki, Zainab Kawawa, Mwanakhamis Said, Riziki Lulida, Devotha Likokola, Christina Ishengoma, Mariam Mfaki, Margreth Sitta na Subira Mgalu. Rita Kabati, Martha Mlata, Dk Maua Daftari, Elizabeth Batenga, Azza Hamad, Mary Mwanjelwa, Josephine Chengula, Bahati Abeid, Kiumbwa Mbaraka na Roweete Kasikila. Anastazia Wambura, Mary Chatanda, Rosemary Kirigini, Mariam Kisangi na Kemilembe Lwota. Walioko katika hati hati ya kutokuwapo kwenye orodha hiyo ni Tinner Chenge, Mwandishi wa habari, Kaslida Mgeni, Mboni Mhita na Janet Masaburi. Kwa upande wa Chadema, 23 wenye nafasi kubwa ya kuwepo ni Lucy Owenya, Ester Matiko, Mhonga Ruhwanya, Anna Mallac, Paulina Gekuli na Conchesta Rwamlaza. Wengine ni Suzan Kiwanga, Suzan Lyimo, Grace Kiwelu, Regia Mtema, Christowaja Mkinda, Anna Komu, Mwanamrisho Abama, Joyce Mukya, Leticia Nyerere na Chiku Abwao. Pia wamo Naomi Kaihula, Grace Kiwelu, Rose Kamili, Christina Lissu Mughiwa, Raya Ibrahim, Philipa Mturano, Miriam Msabaha, Rachel Mashishanga.

KAMBI YA UKAPELA MLIMANI TV&RADIO YAANZA LUPATA PIGO!!!!!!

uzinduzi wa mobile monday jijini dar

Muanzilishi wa mtandao Mobile Monday (MoMo) unaojihusisha na maswala ya kukutanisha wataalam wa mambo ya habari na teknolojia ya mawasiliano (ICT) Duniani,Jari Tammisto akizungumza katika uzinduzi wa mtandao huo kwa hapa nchini uliofanyika mwishoni mwa wiki iliyopita katika ukumbi wa Taasisi ya Sayansi na Teknolojia,Kijitonyama jijini Dar.

Msimamizi mkuu wa Taasisi ya Sayansi na Teknologia,Dr. Hassan Mshinda akizungumza machache na pia kumkaribisha Muanzilishi wa mtandao Mobile Monday (MoMo) Duniani,Jari Tammisto katika hafla hiyo.

Mmoja wa waanzilishi wasimamizi wa mtandao wa Mobile Monday (MoMo) kwa hapa nchini,Kaye Billy akiweka sawa taratibu za shughuli nzima ya uzinduzi wa mtandao huo hapa nchini iliyofanyika mwishoni mwa wiki katika ukumbi wa Taasisi ya Sayansi na Teknolojia,Kijitonyama jijini Dar.

Amina Lukanza wa Mobile Monday (MoMo) akionyesha utaratibu mzima wa mtandao kwa mwaka mzima kwa baadhi ya wataalam waliofika katika uzinduzi huo.kushoto ni Anthony Kigombola wa Mobile Monday.

Mmoja wa wataalam waliofanikiwa kuonyesha kazi zao katika uzinduzi wa Mobile Monday aliefahamika kwa jila la Joachim,akitoka maelezo ya kazi yake hiyo.

Baadhi ya wataalam na wadau wa mambo ya habari na teknolojia ya mawasiliano (ICT) waliofika watika uzinduzi huo wakifuatilia kwa makini yaliyokuwa yakiendelea katika uzinduzi huo.

Wadau woote wa habari na teknolojia ya mawasiliano (ICT) waliofika katika uzinduzi wa mtandao wa Mobile Monday walipata nafasi ya kupata picha ya pamoja kabla ya kuondoka ukumbini hapo.

BOFYA HAPA

kuona ni mambo yao.

SHEREHE ZA KUAPISHWA KWA RAIS DK JAKAYA MRISHO KIKWETE KUWA RAIS WA JAMHURI YA MUNGANO WA TANZANIA HII LEO''SHAMBA LA BIBI''UWANJA WA UHURU!!!!

Rais Jakaya Kikwete ndiyo ameingia na msafara wake kwenye Uwanja wa Uhuru kama unavyoona na tayari ameshakula kiapo cha kuitumikia Tanzania kama rais wa Jamhuri ya Muungano wa Tanzania na kwa sasa zinaendelea taratibu zingine kutokana na ratiba inavyokwenda haya ni matukio ya mwanzo wakati akiingia kwenye uwanja wa tukio zima la kiapo tutakuletea baada ya muda kaa mkao wa kula kuona matukio hayo.

Makachero wakiingia kwa staili ya aina yake wakati Rais Jakaya Kikwete alipokuwa akiingia kwenye uwanja wa Uhuru mmchana huu.

Marais wa nchi mbalimbali wamehudhuria katika sherehe za kuapishwa kwa rais Jakaya Kikwete kutoka kushoto ni rais Robert Mugabe wa Zimbabwe, Rais Joseph Kabila wa DR Congo, Rais Rupia Babda wa Zambia Mke wa Rais wa Zanziba na Mwenyekiti wa Baraza la Mapinduzi Dk. Ali Mohamed Shein Kiongozi wa Kutoka Swaz na wageni wengine.

Rais wa Afrika Kusini Jacob Zuma naye amehudhuria katika Sherehe hizo kama unavyomuona akielekea jukwaa kuu.

Wageni mbalimbali wakishuhudia sherehe hiozo mchana huu.

Huu ni umati wa wageni waalikwa katika jukwaa la upand wa kulia kwenye uwanja wa Uhuru ambapo sherehe za kuapishwa kwa rais wa Jamhuri ya Muungano wa Tanzania Dr. Jakaya Kikwete zinaendelea sasa.

Wadau nipo katika eneo la tukio ili kuwaletea kila kitakachoendelea juu ya shughuli hii ya kuapishwa kwa Rais Jakaya Mrisho Kikwete na hapa ni Taji Liundi Mwongozaji au MC wa hafla hiyo katikati akiwa katika maadalizi ya ratiba pamoja na maafisa wa Jeshi la Wananchi wa Tanzania JWTZ na maafisa wa Serikali ili kuhakikisha utaratibu unakwenda kama ulivyopangwa wakati wa kumuapisha Rais Jakaya Mrisho Kikwete Asubuhi hii kwenye uwanja wa Uhuru. Wengine katika picha ni Asumpta Masoi wa pili kuliaKanali Dominic Basil Mrope kulia na kushoto ni Meja Juma Muhogoyi Kasi. Wageni mbalimbali ikiwa ni mabalozi mawaziri na maafisa wa Serikali pamoja na wageni mbalimbali kutoka mataifa mbalimbali wanaendelea kuwasili ambapo pia marais kutoka nchi kadhaa wanatarajiwa kuhudhuria katika shughuli hiyo ya kumuapisha Rais Jakaya Kikwete. Marais watakaokuwepo ni pamoja na Mwai Kibaki wa Kenya, Joseph Kabila wa Congo,Rupia Banda wa Zambia, Jacob Zuma Afrika Kusini,Therence Sinunguriza Makamu rais Burundi, Bernard Rkuza Wazirio Mkuu Rwanda, Aires Bonifancio Ali Waziri Mkuu Msumbiji, Eriya Kategaya Naibu Waziri Mkuu wa Kwanza Uganda pamoja naye Maiko Hausiku Naibu Waziri Mkuu Namibia. Wadau wa FULLSHANGWE haya ni matukio ya mwanzo tu matukio zaidi tutawaletea baadae mara baada ya kukamilika kwa kazi nzima ya kumuapisha Mh. Rais Jakaya Mrisho Kikwete.

Waheshimiwa mabalozi na wageni mbalimbali wakiwasili katika uwanja wa uhuru ili kushuhudia kuapishwa kwa rais Jakaya Mrisho Kikwete asubuhi hii ili kushika kipindi kingine cha miaka mitano kuwa rais wa Jamhuri ya Muungano wa Tanzania.

Hapa ndipo mahari ambapo Rais Mteule Dk Jakaya Mrisho Kikwete ataapishwa asubuhi hii kama unavyoona likiwa linaaandaliwa katika hatua za mwishomwisho ili kuhakikisha mambo yote yanakwenda sawa katika shughuli hiyo.

Waheshimiwa Mawaziri, Wabunge wateule, Mabalozi pamoja na wageni waalikwa mbalimbali wakiwa tayari wamekaa jukwaa kuu kwenye uwanja wa Uhuru wakisubiri kuapishwaq kwa Rais Jakaya Mrisho Kikwete asubuhi hii ili kushika urais wa Tanzania kwa kipindi kingine cha miaka mitano ijayo.

WanaCCM na wananchi mablimbali wakishagilia kwa furaha kwelikweli wakati wakisubiri kuapishwa kwa Rais Jakaya Kikwete asubuhi hii kwenye uwanja wa Uhuru.

Wananchi pamoja na waCCM akiwa wamejaa katika jukwaa la kijani kwenye uwanja wa Uhuru ambapo rais Mteule Dk. Jakaya Mrisho Kikwete anatarajiwa kuapishwa muda mfupi ujao kuwa rais wa Jamhuri ya Muungano wa Tanzania.