TIMU YA MLIMANI TV KAZINI

kijana wa bongo bullet akijiandaa kugonga show la ukweli linalohusiana na mabongo flava hapa yuko teyari kuaza kurekodiwa baada ya kujipaka mapouda ya kutosha though alikuwa akikimbia kila nilipotaka kumgonga picha alitoka mita mbaaaaaaaaaaya.

standby
action
oya ngoja kwanza mugisha mama watoto ananisumbua bana
poa ngoja na mimi niweke poa mic yangu nisije nikakushuti kibubu
daah hizi kazi mwenyewe maxmillian john ngobe mi nazingua tu.
shost akiwa busy kuandaa makala ya radio inayohusu sanaa na muziki
jiwe nini sasa wakati mi nimejificha we unanifata mpaka kwenye ofisi yangu tena bila taarifa mh?ngoja nakusemea umeiba min div.
hatimaye nikamfuma akitupia mapouda kabla ya kugonga makipindi nami nikaitukia vema simu yangu ya mkononi kuweka mambo sawa.
jamaa anajulikana kama KHALID ALLY aka TOZ aka MUUZA NYAGO aka BROTHERMAN aka MAJINA kibao akila kona baada ya kushitukia kuwa nilikuwa namphotoa aisee.


mita mia nisimpige picha chalii angu.
muuza nyago mwengine wa mlimani tv jamaa anajulikana kama SUFIAN akiwa anajichabo baada ya kujipigilia mapouda ya kutosha teyari kuelekea kwenye kurekodi kipindi cha MUZIKI NA MAISHA maeneo ya ubungo na kwa taarifa ambazo nilizipata jamaa alikuwa anakwenda kupiga pindi na AT

SAJNA'S CLIP

hii ni sehemu ya clip ya mahojiano ya sajna na khalid katika studio za mlimani tv,msikie mtoto alivyojaaliwa vocally aisee.KAZA BUTI MZAZI UITOE MWANZA KWA MARA NYINGINE SI UNAJUA HUKO NDO HOME MH?KOMAA BAAAAAAABU

SAJNA ATIMBA STUDIO ZA MLIMANI TV

Ilikuwa ni mida ya saa tano asubuhi ya leo ambapo presenter wa kipindi cha BONGO BULLETS cha mlimani tv ''elimu kwanza''alipokuwa akijiandaa kufanya kipindi chake cha jumanne ya wiki ijayo nikiwa na maana siku baada ya kesho.ambapo hii leo aliweza kufanya interview na wakali wa KVC pamoja na mkali ambaye kwa sasa anaisumbua saaaaana tansinia ya muziki huu wa kizazi kipya kwa hapa nyumbani tanzania,hapa namzungumzia jamaa ambaye ngoma yake ya IVETA imekuwa gumzo kila kona ya mtaa ingawa makazi yake ni kule mwanza lakini hata shinyanga,bukoba,mtwara na hata hapa dar es salaam ngoma hiyo inakamata mbaaaaaaaaaaaaaya.sina shaka ushanifahamu namzungumzia SAJNA.
kijana ambaye bado angali shuleni akiendeleza libeneke la elimu huku akijihusisha na muziki kama hobbie na si kazi mpaka pale atakapo maliza elimu yake ndo atautolea macho muziki huu wa kizazi kipya.SAJNA aliweka wazi kuwa kwa sasa anajipanga poa na wapenzi wa muziki wake wakae mkao wa tayari kupokea albam iliyosheheni jumla ya pini kumi za maana .
Gisha banyi na Khalid ally
Sajna akiwa na mtayarishaji wa kipindi cha BONGO BULLETS Khalid ally
sajna&khalid wakiwa kwenye studio za mlimani tv
sajna akifafanua jambo
akiwa teyari kutoa kasong ka IVETA
Mzuka ndo umepanda mbaaaaaaaaaaaaya
oyaaaaa niko tayari kwa hayo mainterview.

POLE KAKA MKUBWA KWA KUWA GONJWA

Nilipotembelea blog yake asubuhi ya leo ndo nikakutana na maneno haya hapa chini
''Ndugu zangu jana usiku nimeng'oa jino so maumivu nayoyapata nimeamua kutulia tu nyumbani, naomba ki mda kidogo nikiwa sawa nitaliendeleza gurudumu hili ndugu zangu, nawatakia weekend njema.
Samahani kwa usumbufu utakao tokea.
NAWAPENDA SANA.
ONE''

pole sana bro mungu atakupa afya njema soon ili uendeleze libeneke la kuwapa watanzania habari.

NAKAAYA ATOSWA SONY

UNAZIKUMBUKA habari za Nakaaya Sumari na mkataba wake wa kufanya kazi na kampuni ya Sony, kwa mujibu wa mwanamuziki huyu mkataba huu haupo tena na kama zamani ameingia vitani kupambana kivyake.

Nakaaya ameandika kupitia mtandao wake kuwa kutokana na sababu zilizo nje ya uwezo wake hatafanya kazi tena na watu hao isipokuwa yeye mwenyewe na kuahidi kuwa atapenya tu kwenye soko la Afrika.

Waswahili wanasema Hasidi hana Sababu, na hii ndivyo ilivyokuwa kwa mwanamuziki huyu, mtu kwa sababu zake binafsi alimua kumuharibia dili hiyo.

"Nimepitia kipindi kigumu kwani dili hiyo ilikuwa ni faraja kwa nchi yangu, familia yangu na kwangu mwenyewe, lakini imekweihatokea na hakuna anayeweza kubadilia matokeo,

Namshukuru mungu kwa kuwa na marafiki wazuri ambao walikuwa nami siku zote, Valerie Kimani na Dunga ni kati ya marafiki walionipa moyo na kunirudisha kwenye mstari,

Hivi sasa mimi ni 'Warrior' maumivu niliyoyapata yameniamsha na kunirudisha kwenye ari yangu ya zamani" aliandika Nakaaya. Tembelea humu nakaaya.blogspot.com kupata undani zaidi wa sakata hili.

KUELEKEA UCHAGUZI MKUU 2010

WANAHARAKATI wa mashirika yasiyo ya kiserikali wametoa mapendekezo ambayo wanataka yatekelezwe na vyama vya siasa vinavyogombea kuingia madarakani katika Uchaguzi Mkuu ujao wa Oktoba mwaka huu.

Hivi karibuni, Mtandao wa Jinsia Tanzania (TGNP) kwa kushirikiana na mashirika yanayotetea Haki za Binadamu, Jinsia na Ukombozi wa Wanawake Kimapinduzi (FemAct) ulizindua Ilani ya Uchaguzi Mkuu wa mwaka 2010.

Ilani hiyo imetathmini utendaji wa serikali iliyoko madarakani kwa kipindi cha miaka mitano na kuweka mapendekezo mengineyo.
Katika tathmini ya Ilani ya mwaka 2005 mambo kadhaa yameainishwa kama kipimo cha utekelezaji uliofanywa na Serikali ya Awamu ya Nne.

Ilani hiyo inadai kuwepo kwa jitihada za kukuza uchumi kwa mtazamo wa haki sawa, kuondoa matabaka yanayojitokeza, kupambana na mifumo kandamizi na ubaguzi hususan ule wa kijinsia na kuwepo kwa mipango madhubuti ya kuhakikisha kwamba wanawake wapiga kura wanashiriki katika kuzalisha mali na maamuzi muhimu ya maendeleo ya taifa lao pamoja na kunufaika na matunda ya jasho lao.

Katika tathmini hiyo wanaharakati wamesifia kukua kwa uchumi, lakini wamelaumu utegemezi wa wahisani uliosababisha kukua huko kutodumu:

“Katika kipindi hiki cha miaka mitano, tulishuhudia kukua kwa uchumi kama ilivyotarajiwa katika Mkukuta. Kwa mfano, kwa kutumia kigezo cha Pato la Taifa (GDP) kulikuwa na ongezeko la Pato la Taifa kutoka asuilimia 6.7 mwaka 2004 hadi kufikia asilimia 7.4 mwaka 2008. Hata hivyo, sura ya matokeo ya mfumo tegemezi wa uchumi wetu na jinsi tulivyomezwa na mfumo wa utandawazi.”

Ilani hiyo pia inamulika umasikini uliokithiri licha ya kukua kwa Pato la Taifa. Kwa mfano, asilimia ya watu walio masikini kupindukia ilipungua kidogo tu, kutoka asilimia 35.7 mwaka 2004 hadi asilimia 33.2 mwaka 2007. Takwimu zinaonyesha kuwa, idadi halisi ya Watanzania walio masikini kupindukia iliongezeka kutoka asilimia 11.4 mwaka 2001 hadi kufikia asilimia 12.9 mwaka 2007.

Kuhusu suala la ajira, Ilani hiyo imeonyesha kuwa idadi ya Watanzania walioajiriwa na kujiajiri imeongezeka. Inasema kuwa takriban asilimia 87 ya Watanzania wenye umri wa miaka 15 na zaidi wameajiriwa na asilimia mbili ya kundi hili haina ajira. Hii ni pamoja na asilimia 90.5 ya wanaume na 88.9 ya wanawake.

Nini basi chanzo cha umasikini wa kupindukia kama Watanzania walio wengi wana ajira? Ilani hiyo inabainisha kuwa asilimia 67.2 ya ajira zote ni zile za kujiajiri wenyewe ama kwenye mashamba madogo au katika sekta isiyo rasmi.

“Wengi walioajiriwa au kujiajiri kwenye mashamba au sekta isiyo rasmi wanaishi maisha magumu yasiyo na kipato cha uhakika na kisichotosha. Wengine hasa wanawake, vijana na watoto hawalipwi mshahara wowote kwa kazi au huduma wanayotoa,” wanasema wanaharakati katika ilani yao.

Kwa upande mwingine ilani hiyo inabainisha kuwa sekta rasmi nchini inaajiri asilimia 10 tu ya Watanzania huku wakilipwa mishahara midogo isiyokidhi mahitaji ya msingi ya wafanyakazi. Hiyo nayo ni sababu nyingine inayotajwa kama chanzo cha umasikini uliopindukia.

Licha ya umasikini, ilani hiyo inabainisha kuwepo kwa ongezeko la matabaka. Utafiti unaonyesha kuwa wanaume wana mishahara mikubwa kuliko wanawake. Kwa mfano, utafiti wa Baraza la Taifa la Takwimu mwaka 2006, unaonyesha kuwa, mshahara wa mwanamume mwenye miaka 15 na kuendelea, ulikuwa ni Sh50,000 kulinganisha na Sh32,000 za mwanamke katika umri huo huo.

Aidha matabaka pia yanajitokeza kwenye suala la elimu. Wasio na elimu wanalipwa mishahara midogo. Ilani hiyo imetoa mfano wa pato la mfanyakazi mwenye elimu ya sekondari na zaidi kuwa ni Sh207,433 kulinganisha na Sh40,134 kwa wale ambao hawakwenda shule. Kwa wale waliojiajiri pato lao ni Sh129,494 kwa wenye elimu ya sekondari huku wasio na elimu wakiambulia Sh 48,920.

Katika sera ya uwekezaji, ilani hiyo inaonyesha jinsi serikali ilivyojikita katika kugawa rasilimali za Taifa kwa wageni bila kujali wazawa... “Katika kipindi cha miaka 10, sehemu kubwa ya ardhi ya nchi yetu imechukuliwa na wawekezaji, wengi wao ni makampuni makubwa ya nje. Si ardhi tu, bali pia maji, madini, misitu, wanyama pori na samaki."

“Wananchi walio wengi wamehamishwa kutoka makao yao kwa nguvu, wanakosa nafasi kwa uzalishaji katika kilimo, ufugaji na uvuvi na wengine wanapambana na maradhi yanayotokana na uchumi za makampuni.”

Ilani mpya
Katika kutoa madai mapya, Ilani ya mwaka 2010 imekuja na madai mapya ikiyaweka katika makundi tofauti yaani serikali, vyama vya siasa, wagombea na asasi za kiraia.

Kwa upande wa serikali, Ilani hiyo imeitaka kusimamia kwa uadilifu matumizi ya rasilimali za taifa letu, ili zitumike kwa manufaa ya Watanzania wote. Vilevile, serikali inapaswa kusimamia utawala bora na uwajibikaji kwa mtazamo wa kijinsia.

Katika masuala ya uchaguzi, serikali imetakiwa kudhibiti matumizi ya mabaya ya fedha za uchaguzi na kuhakikisha fedha zote za umma zitakazotumika katika uchaguzi zinawafikia wanawake kama wapiga kura na wagombea nafasi mbalimbali za uongozi.

Ilani hiyo pia imeitaka serikali kutenga kipindi maalumu kwa wagombea wote kwenye vyombo vya habari vinavyomilikiwa na serikali kwa ajili ya kampeni. Serikali pia imetakiwa kusimamia taratibu za kupiga kura ili kuhakikisha kuwa taratibu hizo haziathiri makundi maalumu.

“Ukomo wa wanasiasa kukaa madarakani uwe ni awamu mbili tu. Isitoshe, wanasiasa wasiwe na vyeo zaidi ya kimoja. Kwa mfano, mkuu wa mkoa, waziri, mbunge na wengineo ili kuepusha mgongano wa kimaslahi katika utekelezaji wa majukumu yao.”

Kwa upande wa vyama vya siasa, ilani hiyo imebainisha kuwa ni mhimili mkuu wa demokrasia shirikishi na ya ushindani inasema ni lango kuu la kuingia katika kinyang’anyiro cha uchaguzi na hatimaye katika nafasi muhimu za uongozi wa taifa.

Hata hivyo, wanaharakati katika Ilani hiyo wanasikitishwa na jinsi mfumo dume unavyotumika katika vyama vya siasa... “Vyama vimewatumia wanawake na baadhi ya vijana kama wapiga debe, wahamasishaji na wasindikizaji katika mchakato wa uchaguzi. Wanawake wengi wanaposimama kama wagombea vyama vinawatupa na kuwaweka pembezoni.”

Ilani hiyo inavilaumu vyama vingi kwa kushindwa kuleta usawa wa kijinsia badala yake vimezidi kuimarisha utamaduni wa ubaguzi dhidi ya wanawake.

“Tunadai vyama vya siasa viache kuwarubuni wanawake kwa kutumia ‘Viti maalumu’ ambavyo hatima yake ni kuwapa wachache waliovipigia debe fursa ya kuchaguzliwa na kuingia katika vyombo vya uwakilishi wa maamuzi katika ngazi duni.”

Kwa upande wa wagombea, wanaharakati wanawataka kutotumia nguvu ya fedha kununua kura bali watumie busara na nguvu ya hoja kushawishi wapiga kura.

Wagombea pia wasitumie lugha za matusi au ubabe wa kudhalilisha wanawake na wasirubuni wananchi kwa kuwaahidi ahadi zisizotekelezeka... “Kiongozi kama huyo ni sumu kwa taifa letu, ni sumu kwa demokrasia na ni sumu kwa makundi ya wanawake na wanaume yanayotaabika kutokana na rasilimali za taifa kutowafikia.”

Kwa upande wa asasi za kiraia, Ilani hiyo inazitaka asasi hizo kuwatetea wanawake kwa kuwahamasisha kugombea nafasi za uongozi na kukataa kuburuzwa kama wapiga debe au kurubuniwa kwa kupewa ‘nafasi za upendeleo’.

PATASHIKA LA KOMBE LA DUNIA LAANZA RASMI NA KUSHUHUDIA DROO MBILI

Baada ya miaka,miezi,wiki na siku hatimaye yamebaki masaa machache tu kabla filimbi ya kwanza kupulizwa kuashiria kuanza kwa kivumbi cha kuwania ubingwa wa dunia wa soka.Ni wakati wa World Cup 2010.Kwa mara ya kwanza kabisa kindumbwendubwe hicho kipo barani mwetu,Afrika.

Wataalamu na watabiri mbalimbali wa soka wameshaanza kazi zao.Wacheza kamari nao hawapo nyuma.Kuna kulia na kucheka.Mfalme wa soka ulimwenguni,Pele,ametoa utabiri wake.Anasema anaziona Brazil na Spain zikiumana katika fainali.Lakini anasema pia angependa sana kuona timu ya Afrika ikifika fainali.

Mchezo wa fungua dimba hapo baadaye ni kati ya wenyeji Afrika Kusini na Mexico(South Africa Vs Mexico).Historia inaonyesha kwamba hakuna timu wenyeji iliyowahi kupoteza au kufungwa katika mchezo wa fungua dimba.Je South Africa wataendeleza historia hiyo?

Mchezo wa kesho unafanyikia katika uwanja ujulikanao kama Soccer City(pichani) uliopo jijini Johannesburg.Ulianza kujengwa mwaka 1986 na kufunguliwa rasmi mwaka 1987 na una uwezo wa kuchukua watu 94,000 ukitoa watu wa habari na VIP.Uwanja huo upo maeneo ya Soweto(chanzo cha jina ni South West Town.Ni uwanja wenye historia kemkem.Hapo ndipo utakapofanyika pia mchezo wa fainali tarehe 11 Julai.

Wakati homa ya Kombe la Dunia ikiwa ndio inazidi kupaa,ulimwengu unasubiri kwa hamu kitu kimoja.Je,Rais mstaafu wa nchi hiyo,Nelson Mandela “Madiba”,ataweza kuhudhuria japo mchezo huu wa ufunguzi?Mimi binafsi ningefurahi sana kumuona Mzee huyo akihudhuria japo mchezo huo wa ufunguzi kwani mchango wake katika kuzileta fainali hizo barani Afrika ni mkubwa sana.Bila shaka utakumbuka kwamba,alipotoka jela mwaka 1990,hapo hapo katika uwanja wa Soccer City ndipo alipowahutubia watu wake kwa mara ya kwanza baada ya miaka 27.

Baadhi ya wageni wengine maarufu na viongozi wanaotarajiwa kuhudhuria ufunguzi wa fainali hizo ni pamoja na Katibu Mkuu wa Umoja wa Mataifa,Ban-Ki-Moon, Rais wa Mexico,Felipe Calderon,Makamu wa Rais wa Marekani,Joe Biden, na Mwenyeji wao,Jacob Zuma.Lakini waliotia fora zaidi ni majirani zetu Kenya ambao watawakilishwa na viongozi wao wote wa juu kabisa Rais Mwai Kibaki na Waziri Mkuu Raila Odinga(sijui nchi wamemuachia nani).

Kivutio kingine kinatarajiwa kuwa mwimbaji maarufu wa muziki wa R&B kutoka nchini Marekani,R.Kelly,ambaye anatarajiwa kuimba wimbo wake wa “Sign of Victory” ambao ni anthem maalumu kwa ajili ya ufunguzi wa Kombe la Dunia.Ataimba kwa kushirikiana na Soweto Spiritual Singers. Wasanii wengine wanaotarajiwa kushiriki ufunguzi huo ni pamoja na Hugh Masekela, Femi Kuti na bendi ya Osibisa kutoka nchini Ghana.

Mpira utakaotumika ni Jabulani.Ingawa umelalamikiwa na makipa kadhaa(akiwemo Muharami Mohammed wa Taifa Stars) kwamba haufai na unawapa shida,FIFA wamesisitiza kwamba ndio utakaotumika.Jabulani ni neno la kiZulu linalomaanisha “kuleta furaha kwa kila mtu”.

Ratiba kamili ya Fainali hizi unaweza kuipata kupitia mtandao wa FIFA kwa kubonyeza hapa.Pia jamaa wa SoccerNet.com wana ratiba nzuri zikiwa na masaa ya hapo ulipo(local time).Kama hukufanikiwa kuliona tamasha la ufunguzi (2010 FIFA Official World Cup Kick Off Concert) bonyeza hapa.Jamaa wa Vevo bado wanalionyesha kwa kulirudia kila mara.It is Time For Africa.Viva Africa!!

Baada ya mchezo wa fungua dimba, Ufaransa(mabingwa wa dunia mwaka 1998) watakipiga na Uruguay.

NAS B AKIWA KWENYE HARAKATI ZA KUGONGA MAWE,KABLA YA KUNITIMBIA KWENYE STUDIO ZA RADIO MLIMANI KUPIGA PINDI.

hapa ndo pa kuingizia vocal aisee.
Si unacheki jamaa ndo kaanza kuproduce full kakiza ndo kama kanaingia mzazi

full busy na kugonga beat ya mkali SERIAL NUMBER aka JIWE4EVER

jamaa akiwa studio akigonga pini balaa

Mkali NAS B aka NAS PRODUCER akiwa ndani ya studio za radio mlimani,jamaa ni mkali wa kugonga mabeat toka enzi OM RECORDS pale kwa OMARY MKALI kisha akasonga pande za LAP RECORDS kabla ua kula shavu pande za PAMOJA RECORDS ambako aliminya kimtindo na kusepa baada ya vifaa vyake vya productio kuibiwa na kwa sasa jamaa yuko pande za IBAM RECORDS masaki ikiendeleza libeneke la kuachia mabeat ya hatari.

(NAS B )

Jana nilipata nafasi ya kuzuru kwenye studio za jamaa pale maeneo ya masaki karibu na hotel ya wachina na hapa nilimkuta akinyonga beat za hatari kiasi akaweza kunizawadia vitu viwili ambavyo mimi binafsi niliridhika navyo ile saaaaaaaaaaaana.unajua alinizawadia gani mh?

jamaa alinizawadia BEAT moja la hip hop pia akanizawadia aka mpya inayokwenda kwa jina la SERIAL NUMBER.So from dis tyme u can call me DJ JIWE4EVER aka SERIAL NUMBER.

PICO NDANI YA STUDIO ZA MLIMANI RADIO

Anajulikana kama Pico aka Mzee wa Kikongwe ambaye hakika alisumbua sana alipotambulishwa kwa mara ya kwanza kwenye ulimwengu wa muziki wa kizazi kipya na kukonga sana nyoyo za mashabiki wa muziki huo na kiasi ambacho hakika aliweza kuwa juu.

jamaa alipotea tena kwenye gemu la muziki wa kizazi kipya kabla ya hivi karibuni kurejea tena na ngoma kali iliyojaa UDAKU wa kila namna inayojulikana kama GAZETI.Na kwa taarifa nilizozipata toka kwa meneja wake GURU RAMADHANI ni kwamba jamaa atakuwa chini ya yake.

KAKA FEDE NA KATUNI YA LEO

BAADA YA KUENGULIWA KUNDINI RICH ONE AWEKA WAZI KISA MKASA CHA KUTENGWA

Siku chache baada ya kuenguliwa na swahiba wake 'Juma Nature' ndani ya kundi TMK Wanaume Halisi, Richard Shauri ‘Rich One’, amepanga kuanika kilichotokea hadi yeye na wasanii wengine kuenguliwa kundini na muasisi wa kundi hilo, Juma Kassim ‘Sir Nature’.
Akinukuliwa jana Rich alisema...."Mengi yamesemwa tangu mimi na wenzangu tulipoenguliwa kundini lakini nadhani kuwa sasa ni muda muafaka wa kuweka mambo bayana".

“Kaka tumepanga kukutana na waandishi wa habari kati ya Jumatano na Alhamisi wiki hii, ili kueleza kilichotokea TMK Wanaume Halisi, hata kudaiwa kuwa sisi tumetimuliwa,” alisema Rich One.

Tangu kuanzishwa kwa kundi hilo lililotokana na nyota hao kujitoa TMK Wanaume Family, hii itakuwa mara ya kwanza kwa wasanii kutimuana ingawa awali msanii Haruna Kahena ‘Inspekta Haroun’ alitangaza kujitoa mwenyewe na kufanya kazi zake binafsi.

WANAUME WENGINE WAIBUKA TMK

Masela walioenguliwa ndani ya kundi la TMK Wanaume Halisi na kiongozi wa kundi la TMK Wanaume Halisi, Juma Kassim ‘Sir Nature’ wameibuka na kuunda kundi lao jipya.

Kampuni ya Mpo Afrika imetangaza kusaini mkataba na kundi jipya litakalokuwa likiitwa Wanaume, likiundwa na wanamuziki walioachwa katika kundi la TMK Wanaume Halisi.

Akizungumza jana bosi wa kundi hilo,Hassan Umande alisema lengo la kuunda kundi hilo jipya ni kwa ajili ya kuendeleza sanaa na kuleta mabadiliko katika anga ya muziki wa kizazi kipya aka bongofleva hapa nchini.

"Unajua kiukweli kuna vikwazo vingi vilitokea mpaka tukaamua kujitenga ,yote hiyo kuepuka migongano ambayo kimsingi si ya lazima kwa sababu sote ni vijana na tunatafuta maisha,kwa hiyo kwa sababu tumetengwa basi tumeamua kuunda kundi la watu sita"'amebainisha Hassani Umande.

Hassani amewataja wasanii watakaounda kundi hilo kuwa ni Athuman Yahya (A.Man), Juma Mbelwa (Juma Jazz), Karim Kaiman (Kakaman), Abdul Ally (Mzimu), Richard Shauri (Rich One) pamoja na David Mpangile (Daz-p).

Alisema mpaka sasa wamesharekodi nyimbo tatu ikiwemo, mapenzi kitu gani?, Poa tu pamoja na Mukide.

KIBRA AIBUKA NA MSICHANA MTUNDU

Mara ya mwisho msanii Juma Nature alipotoa wimbo mpya,baadhi ya wapenzi wa muziki wake hawakusita kuelezea hisia zao kwamba Nature amebadilika. Kivipi? Walisema haimbi na hana tena yale mashairi yaliyomfanya akakubalika sana hapo mwanzoni. Wakamsihi arudi kule kule alipoanzia.Kule kule kwenye nyimbo kama vile Hili Gemu,Kighetogheto,Sitaki Demu,Mzee wa Busara na nyinginezo.
Huenda ombi la washika dau hao wa muziki likawa limesikilizwa.Wimbo mpya wa Nature unaitwa Msichana Mtundu.Kwa upande wangu kilichonivutia zaidi katika wimbo huu ni ujumbe uliomo. Shule,maisha,baba-sukari,mapenzi,jamii.

KAKA FEDE NA KATUNI YA LEO

MTOTO WA VITOTO NA ''NAKUJA MJINI''

"NAKUJA MJINI"
Chunga mifugo yako isile mazao yangu....Moja ya nembo maarufu hapa kwetu kijijini...
Nipo zangu ndani ya basi,mi nakuja huko mjini.
Nimekaa sina wasiwasi,ukiniona hutoamini.
Mi ni mtoto wa kiume,natafuta najiamini.
Sina budi nijitume,sasa kwanini nisije mjini?
Haijalishi ukinitisha,kwamba mjini sio kuzuri.
Tamaa huwezi kunikatisha,haso kwangu ni desturi.
Mbunge wetu mwache,huko huko alipokuwa.
Zimebaki siku chache,uchaguzi utamuumbua.
Maendeleo yanachelewa,siwezi baki niyangoje.
Kidume siwezi letewa,nakuja huko nijionee.
Eti wamasai hawachungi ng'ombe?,ni sawa walivyoacha.
Mjini hakuna ng'ombe,vipi wafanye anasa?
Umesema kuna manyoya? ngoja nikija ntayanyonyoa.
Watoto wazuri kama latoya,mi nikija ntawaopoa.
Nimechoshwa na tunguli,nataka nitibiwe na madokta.
Sihitaji kazi nzuri,nipo radhi niwe hata konda.
Popote penye pesa,utapeli haukosekani.
Hilo kamwe halitonitesa,nalijua toka zamani.
Mbona wewe umesoma ulaya,wazungu hawajakukataza?
Nakuja skuonei haya,hata bakora ukinicharazaaaaaaaa......
Nakuja mjini leoooo,,,,ah aha ah haaaaa
Nakuja mjini leoooo................!!!!

BAADA YA BABU CHUCHU SASA OLIVER NGOMA NAYE HATUNAYE

Katika hali ambayo bado sijaielewa,jana jioni nilikuwa nikijaribu kutengeneza orodha ya wanamuziki au miziki 100 maarufu ama kwa lugha nyingine, iliyotamba sana barani Afrika(Africa’s 100 Top Hit Songs). Nilichoamua kukifanya ni kujaribu kwenda(kwa kutumia mtandao) nchi moja mpaka nyingine huku nikijaribu kuchunguza kama nchi hiyo ina mwanamuziki au muziki ambao ulitokea kutamba zaidi barani Afrika.

Zoezi hilo bado naendelea nalo.Kwa hakika ni zoezi gumu hususani ukizingatia jinsi bara la Afrika lilivyosheheni vipaji na wasanii wa kiwango cha kimataifa.Nani aingie katika Top 100 na nani abakie nje.Mashabiki wake hawatonilalamikia kwanini nimemuweka pembeni mtu wao?Mawazo kama hayo yalitawala.

Wakati naendelea na zoezi hilo,nikawa pia napitiwa na huzuni kila nilipokuwa nasoma na huku nikisikiliza muziki kutoka kwa mwanamuziki fulani ambaye alishaiga dunia.Wapo wengi ila nazikumbuka hisia zangu nilipoyapitia majina kama Mbaraka Mwaruka Mwinshehe(Tanzania),Franco(DRC Congo),Madilu System(DRC Congo),Brenda Fassie(Afrika Kusini),Miriam Makeba(Afrika Kusini),Lucky Dube(Afrika Kusini),Fella Kuti(Nigeria) na kadhalika na kadhalika.

Nilipofika Gabon,jina ambalo bila shaka sote tunakubaliana kwamba ni vigumu(kama sio kashfa kabisa) kuliacha katika orodha ni jina la Oliver N’goma. Ni jana hiyo nilipojikuta nikisikiliza nyimbo kadhaa za Oliver N’goma kama vile Lusa,Bane,Betty,Nge’ Adia,Icole nk.Nikakumbuka sana jinsi nyimbo zake, zilivyotokea kuwa nyimbo ambazo haziwezi kukosa kunako shughuli mbalimbali hususani harusi hapa Bongo.Kwangu mimi Oliver alikuwa ni mfalme wa aina yake katika Zouk barani Afrika.

Unaweza kupata picha ya jinsi nilivyopata mshtuko na masikitiko kuamka asubuhi na kusikia kwamba Oliver N’goma amefariki dunia! Kwa mujibu wa vyombo mbalimbali vya habari, Oliver N’goma au Noli kama alivyojulikana huko kwao Gabon, amefariki kwa ugonjwa wa figo (kidney failure) akiwa hospitalini alikokuwa amelazwa.

Oliver alizaliwa tarehe 23 March mwaka 1959 katika mji unaoitwa Mayumba uliopo Kusini Magharibi mwa Gabon. Alizaliwa katika familia ambayo haikuwa ngeni katika masuala ya muziki. Baba yake alikuwa mpiga kinanda cha mdomo(harmonica) maarufu.Mwanzoni mwa maisha yake alipenda sana kuwa mpiga picha.Baadaye aliikacha taaluma hiyo na kuendelea na muziki kitu ambacho kilikuwa kwenye damu.

Mwishoni mwa miaka ya 80 ndipo alipotoa albamu yake iliyobeba jina Bane ambayo ndio ilikuwa chanzo cha umaarufu na mafanikio makubwa katika safari yake ya muziki.Rest In Peace Oliver N’goma.

PAMOJA NA KUTOA KICHAPO KWA TAIFA STARZ,BRAZIL YAPEWA NA ZAWADI

Sijui wewe mwenzangu. Ukiniuliza mimi,mojawapo ya mambo ambayo najivunia sana kuwa nayo kama mtanzania ni suala zima la nchi yetu kuwa nchi ambayo imejaa wastaarabu na waungwana. Tunapingana kistaarabu. Tusipokubaliana katika mambo fulani fulani,tunaambiana kwa heshima. Tukishindwa kabisa kuelewana,tunapiga kura.Waache maadui zetu waifananishe hali hiyo na uzembe au ujinga.Shauri yao. Matunda yake tunayaona.

Ninachotaka kusema kinaweza kisiwe mfano hai au mfano muafaka zaidi.Pamoja nahayo naomba nikiseme. Ni kwamba nimependa uungawana,u-tanzania,uanamichezo na ustaarabu ulioonyeshwa na watanzania wakiongozwa na Rais Jakaya Kikwete kabla na hata baada ya mchezo wa soka kati ya timu yetu ya taifa(Taifa Stars) na Brazil. Hata yule jamaa aliyekimbilia uwanjani kumkumbatia mchezaji maarufu wa Brazil,Kaka,naamini alifanya vile kwa kuzidiwa tu na “mapenzi” na mchezo na mchezaji mwenyewe.

Pamoja na kufungwa jumla ya mabao 5-1, hatukukasirika. Tuliichukulia hali hiyo kama sehemu ya mchezo na nafasi ya kujifunza(hata kama matokeo siku za mbeleni yataonyesha kwamba hatukujifunza chochote,nafasi tumepata).Isitoshe,asiyekubali kushindwa,si….Kama unavyoona pichani, Rais wetu Jakaya Kikwete anaonekana akimkabidhi zawadi ya kinyago mchezaji timu ya taifa ya Brazil Kaka mara baada ya mchezo wao na Taifa Stars. Wametufunga lakini na zawadi za ukumbusho tumewapa.Kama sisi sio waungwana na wastaarabu,nani basi?

Bila shaka wa-Brazil hawa watakumbuka uungwana huu.I hope they remember this genuineand honesty hospitality. Hapo sijazungumzia tabasamu la Meneja Mkuu wa Mawasiliano na Uhusiano wa kampuni ya Bia ya Serengeti ambao ndiyo wadhamini wakuu wa Taifa Stars,pembeni. Ni tabasamu la kweli,lisilo na kinyongo cha kuchabangwa 5-1.After all,ulikuwa mchezo wa kirafiki.Tungekuwa tunashindania Kombe la Dunia,ah tungewafunga hawa! Au unasemaje?

JAMAA AWEKA REKODI YA KUMKUMBATIA KAKA KABLA YA KIKWETE

jamaa ambaye ameweza kuwadhihirishia umma wa watanzania kuwa ulinzi na umakini wa kamanda kova ni kwa walevi wa bangi na gongo baada ya kufanikiwa kuingia kwenye uwanja mkuu wa taifa na kufanikiwa kupata huge toka kwa kiungo mahiri wa real madrid ya hispania na brazil kaka.
baada ya kufanikisha dhamira yake jamaa alishangilia kwa nguvu huku askari wakimuangalia na wasijue la kufanya mpaka pale kaka alipomtaka atoke ili waendelee kusukuma gozi kama kawa ndipo jamaa alipotoka na kushangilia kwa nguvu kana kwamba alipiga hat trick.je kwa hili mazoezi waliyofanya polisi kudhibiti raia wasifanya fujo kwenye mtanange huo yalikuwa ya nini?KOVA MH?

TBC KUSABABISHA KOMBE LA DUNIA MWANZO MWISHO

Shirika la utangazji nchini TBC leo katika uwanja wa TAIFA JIJINI DSM linazindua matangazo ya kombe la DUNIA .
Uzinduzi huo unafanyika ikiwa TBC ndiyo chombo pekee hapa nchini kupata haki ya kurusha fainali za kombe la DUNIA nchini AFRIKA KUSINI kuanzia JUNI 11 hadi JULAI 11 mwaka huu.
Katika kufanikisha yote hayo TBF imeandaa sherehe za uzinduzi huo ambapo watanzania wote watafika katika uwanja wa TAIFA bila kiingilio chochote kujionea uzinduzi huo.

Mashindano ya kuogelea ya Vodacom Tanzania champion yafanyika jijini Dar!

toto Sonia Tumitto(katikatika)akionyesha medali zake alizojishindia baada ya kuibuka mshindi wa kwanza katika mashindano ya wazi ya kuogelea ya Vodacom Tanzania championi yaliyowashirikisha vijana kwa nia ya kuendeleza vipaji hapa nchini leo jijini Dares salaam.,wengine ni washindi wa pili Dhashrrad Magesraran(7 kushoto) na Reine Opperman


Katibu Mkuu wa Chama cha kuogelea Tanzania Noel Kiunsi akimpongeza Amal Bulengo baada ya kuibuka mshindi wa kwanza wa mita 100 katika mashindano ya wazi ya kuogelea ya Vodacom Tanzania championi yaliyowashirikisha vijana kwa nia ya kuendeleza vipaji hapa nchini leo jijini Dares salaam.katikati Rishi Somaiya
Baadhi ya waogeleaji wakichumpa kwa uogeleaji wa kinyumenyume katika mashindano ya wazi ya kuogelea ya Vodacom Tanzania championi yaliyowashirikisha vijana kwa nia ya kuendeleza vipaji hapa nchini leo jijini Dar es salaam.

*TIMU YA TAIFA YA COPA COCACOLA YAICHAPA MALAWI 11-0

TIMU ya Taifa ya vijana chini ya umri wa miaka 17, leo imeichapa timu ya taifa ya vijana ya Malawi kwa mabao 11-0 katika mchezo uliyochezwa leo asubuhi.
Katika mchezo huo uliyochezwa asubuhi Tanzania, waliutawala mchezo huo tangu dakika za mwanzao za mchezo, huku kikosi hicho kikiongozwa na washambuliaji wake hatari, Thomas Ulimwengu na Jarome Lambele.
Hadi kipindi cha kwanza kinamalizika vijana wa Tanzania waliokuwa na uchu wa magoli, walikuwa kifua mbele kwa mabao 3, yaliyowekwa kimiani na Thomas Ulimwengu ambaye alipachika mabao mawili na Himid Mao alilofunga kwa njia ya penatli.
Tanzania waliingia kipindi cha pili kwa kasi ileile huku wakiendelea kulisakama lango la Malawi kiasi cha kuwafanya Wamalawi hao kuchaanganyikiwa.
Mabao yaliyopatikana kipindi cha pili yalifungwa na Ibrahim Rajabu, mabao mawili, Issa Rashid mabao mawili, Thomas Ulimwengu, Himid Mao kwa njia ya penalti na Jarome Lambele mabao mawili.
Pia katika mchezo wa jioni baina yao na Namibia, Vijana wameweza kuibuka washindi kwa mabao 2-1 mabao yaliyofungwa na Thomas Ulimwengu na Thabiti. Kila la Kheri timu yetu ya Vijana tuzidi kuwaombea ili wazidi kufanya vyema katika michezo iliyosalia.

GENEVIVA EMMANUEL NDIYE VODACOM MISS CHANG'OMBE!!

Miss Chang'ombe Geneviva Emmanuel akiwa katika picha ya pamoja na mshindi wa pili Upendo Urasa kulia na mshindi wa tatu Anna Daud mara baada ya washindi kutangazwa katika shindano la Miss Chang'ombe liliofanyika kweny viwanja vya TCC Sigara Jijini Dar es salaam usiku wa kuamkia leo.

Katika shindano hilo lililokuwa la kuvutia kutokana na viwango vya warembo walishiriki kwenye shindano hilo, mashabiki wengi waliinuka na kushangilia kwa nguvu mara baada ya washindi hao kutangazwa huku wakisikika kuwapongeza majaji kwa kazi nzuri kwani walidai kuwa majaji wametenda haki na hawa warembo wamejibu vizuri maswali yao, lakini pia mwaka huu chang'ombe wana wawakilishi wazuri kwenye Miss Temeke hata Miss Vodacom Tanzania Pia.

Katika onyesho hilo burudani ziliporiomoshwa na bendi tya FM Academia na kundi la ngoma za asili la Machozi kutoka jijini Dar es salaam.

Hawa ni Tano bora kuanzia kulia ni Geneviva Emmanuel, Anna Daud, Upendo Urasa, Emaculata Njuu na Jaquiline Benson.

Mh we acha tu! yaani ni burudani kwa kwenda mbele.

wanenguaji wa bendi ya FM Academia wakishambulia jukwaa.

vazi la ufukweni
Vazi la Ubunifu

Warembo wakaingia kwa shoo kabambe

miss chang'ombe aliyemaliza muda wake
sasa huyu ndo miss chang'ombe