FERRE GOLLA AKAMUA VILIVYO DIAMOND JUBILEE USIKU HUU!!

Mwanamuziki Ferre Golla kutoka Jamhuri ya Kidemokrasia ya Congo akicheza jukwaani wakati alipofanya onesho la kukata na shoka kwenye ukumbi wa Diamond Jubilee usiku wa kuamkia leo jijini Dar es salaam ambapo alikonga nyoyo za mashabiki kwa kupiga nyimbo zake mbalimbali huku akishangiliwa na mashabiki. Onesho la mwanamuziki huyo lilisindikizwa na bendi ya muziki ya Mashujaa yenye makao yake kwenye ukumbi wa Mashujaa Vingunguti jijini Dar es salaam.

Huyu shabiki ni kama vile anatoka baruti jukwaani! lakini hii ilikuwa ni staili ya uchezaji tu,

Mmoja wa wanenguaji wa mwanamuzki huyo akicheza huku Ferre Golla akiimba.

Mwanamuziki Fere Gola akifanya vitu vyake na mmoja wa waimbaji wake.

Hapa Mecklicius akitafuta taswira ya Ferre Golla hayupo pichani wakati alipokuwa akiimba jukwaani.

Ferre Golla katikati akitambulishwa watangazaji wa TBC1 Benny Kinyaiya kushoto pamoja naye mtangazaji wa Clouds FM Sofia Kessy wakati alipopanda jukwaani ili kuonyesha uwezo wake katika muziki.

Mashabiki wa mwanamuziki Feree Golla wakidimbwilika na muziki wa mkali huyo wakati alipokuwa akifanya vitu vyake.

DJ wa siku nyingi kutoka Clouds FM Charles Mhimiji wa pili kutoka kulia nyuma aliyekaa naye alikuwepo ili kushuhudia burudani hiyo.

Mashabiki mbalimbali wakimshuhudia Ferre Golla mkali wa muziki kutoka nchini Congo wakati walipokuwa wakitumbuiza usiku wa kuamkia leo kwenye ukumbi wa Diamond Jubilee jijini Dar es salaam.

Mwanamuziki na Kiongozi wa bendi ya Mashujaa Jado Field Force akiongoza kundi hilo kwenye onesho lao katika ukumbi wa Diamond Jubilee ambapo bendi hiyo inamsindikiza mwanamuziki Ferre Golla kutoka Jamhuri ya Kidemokrasia ya Congo anayetarajiwa kupanda jukwaani na kundi lake dakika chache kutoka sasa ili kuonyesha uwezo wake kwamba yeye kweli ni Shetani katika muziki, haya wadau kaeni mkao wa kula ili kuapata matukio ya mwanamuziki huyo baada ya muda.

Mamaa Frola Bamboocha kama kawa akikamua kwa sana.

Rapa Maarufu wa bendi hiyo Mirinda Nyeusi akikamua jukwaani huku wanenguaji wa bendi hiyo wakimpa tafu.

Mamaa Frola Bamboocha Mnenguaji wa Mashujaa Band akikamua jukwaani kwa kushirikiana na wanenguaji wenzake.

Wanenguaji wa bendi ya Mashujaa wakifanya vitu vyao jukwaani kabla ya Ferre Gola na kundi lake kukamua.

Mgeni Rasmi Naibu Waziri wa Kazi Mh. Makongoro Mahanga kulia ankiwa na Mkurugenzi wa Mashujaa Group Limited Mamaa Sakina tayari kwa kushuhudia burudani.

Mamaa Amina Single aka Mwasi Kitoko wa pekee, First Lady wa Afro Vibes Times Fm na Mecklicius Times Fm, First Lady wa the Cut nao wapo ili kumuona Ferre Golla Live kwenye ukumbi wa Diamond Jubilee usiku huu.

Dada Christina Malasusa kulia na Rafiki yake ambaye pia ni bosi wake Zahra Kuyugwa nao pia wapo wakishuhudia burudani hii.

Hapa Raymond Kigosi Ray anasinzia, mwenzake Steven Kanumba anasikitika sijui walikuwa wakifikiria nini, Hata hivyo burudani kutoka kwa bendi ya Mashujaa ilikuwa ikiendelea wakati wakionyesha hali hii. labda ulikuwa ni umakini wa kufuatilia onesho lenyewe hebu tuwaachie wenyewe.

Mashabiki mbalimbali waliojitokeza kwenye onyesho la mwanamuziki Ferre Golla na Mashujaa Band wakiwa wakifuatilia onesho hilo kwa makini kwenye ukumbi wa Diamond Jubilee jijini Dar es salaam usiku huu.

nyumba ya BSS yafunguliwa jijini dar

Meneja wa bia ya Kilimanjaro ambao ni wadhamini wakuu wa mashindano ya Bongo Star Search,George Kavishe akizungumza machache katika hafla ua ufunguzi wa nyumba ya BSS uliohanyika usiku wa jana jijini dar.nyumba hiyo ambayo ipo maeneo ya Mikocheni ndio itakayotumiwa na washiriki wa shindano la Bongo Star Search (BSS) wakati wote wa mchakato wa kumsaka BSS 2010.nyuma ni baadhi ya washiriki hao

Mmoja wa washiriki wa BSS awamu iliyopita,Rogas Lucas akitumbuiza katika hafla hiyo.

Mmoja wa washiriki wa BSS 2010,akionyesha makeke yake katika steji wakati wa ufunguzi wa nyumba ya BSS usiku wa jana.

Washiriki wa Bongo Star Search 2010 wakiwa katika picha ya pamoja katika hafla fupi ya ufunguzi wa nyumba watakayoitumia kwa kipindi chote cha mchakato wa kumtafuta BSS 2010.

yombo vya ulinzi na usalama vyasema visihusishwe na siasa , vimejindaa kupambana na watakaovunja amani

VYOMBO vya Ulinzi na Usalama vimesema kwamba vina wajibu wa kuhakikisha amani, usalama na utulivu wa nchi kwa wakati wowote, hivyo havifungamani na chama chochote cha cha siasa, bali vinatii viongozi na Serikali iliyoko madarakani.

Aidha vyombo hivyo, vimejiandaa kikamilifu kupambana na mtu, watu kikundi chama au taasisi yoyote itakayokwenda kiunyume na sheria, kuchochea au kufanya fujo, kuvunja amani kwa mujibu wa sheria, ikiwemo kuchochea kuyakataa matokeo ya Uchaguzi Mkuu unaotarajia kufanyika Oktoba 31, Mwaka huu.

Hayo yalisemwa (leo) na Mnadhimu Mkuu wa Jeshi ,nchini, Luteni Jenerali Abdulrahman Shimbo wakati akitoa tamko la vyombo hivyo, alipokuwa akizungumza na waandishi wa habari katika ukumbi wa mikutano wa Makao Makao Makuu ya Jeshi la Ulinzi la Wananchi Tanzania(JWTZ) jijini Dar es Salaam.

“Maofisa na askari wa vyombo vya ulinzi na usalama kwa mujibu wa sheria na kanuni za utendaji kazi hawana chama cha siasa. Wajibu wao ni kwa wananchi na Serikali iliyoko madarakani.,” alisema Shimbo huku akisema wasihusishwe na vyama vya siasa .

Shimbo alisema dalili zimeanza kuonekana za kutaka kuvunja sheria katika kampeni, kuchochea fujo na uvunjifu wa amani.

Dalili hizo siyo nzuri na zinaweza kuharibu utulivu na amani iliyopo kwa miaka mingi . Aidha baadhi ya taasisi na mashirika yameanza kujiingiza katika kampeni kwa lengo la kuwaelimisha wananchi kuhusu upigaji kura au kutoa matamko yanayolenga, kushabikia vyama vya vya siasa na wagombea.

Hivyo alizitaka taasisi na mashirika hayo kufanya kazi hizo kwa amani na kuelekeza nchi katika amani na utulivu, ikiwemo kufuata sheria.

“Vyombo vy usalama vinawahakikishia wananchi usalama, amani na utulivu wakati wa kampeni, upigaji kura, uapishaji na baada ya hapo. Tunataka kuwahakikishia wananchi hakuna damu itakayomwagika na hatutarajii hali hiyo itokee. Tungependa uchaguzi ulivyoanza vizuri uishe vizuri,” alisisitiza

.

Alivitaka vyama vya siasa vifanye kampeni kwa ustaarabu na kufuata sheria na kanuni za uchaguzi, hivyo visitukane vyombo vya dola wala kuvichokoza , kwa vile havihusiki na kampeni za siasa za uchaguzi zaidi ya kulinda amani.

Mnadhimu huyo pia aliwaomba ushirikiano kutoka kwa wananchi katika kutunza amani na usalama, kukataa kuhusishwa na uvunjaji wa sheria, au kukataa matokeo ya uchaguzi kwa fanya fujo kwa vile kufanya hivyo kunaweza kuingiza nchi kwenye machafuko yasiyo ya maana. Pia alivitaka vyama vya saisa na wananchi wote kuwa tayari kupokea matokeo ya uchaguzi huo kwa amani.

Akizungumzia kuhusu vyombo vya habari ,Shimbo alisema taarifa zinazotolewa hazichunjwi ipasavyo kuangalia athari zake kwa amani na utulivu wa nchi wa sasa na hapo baadae. Hivyo alivitaka kuandika habari zisizochea fujo au vurugu.

Wakati huohuo akizungumzia kuhusu uharamia alisema mtuhumiwa suala hilo, ambaye ni raia wa kisomali alikamatwa Septemba 26, mwaka huu kwenye eneo la utafiti wa mafuta block 7 kuwa anahojiwa na anendelea kuhojiwa hivyo atashitakiwa na kufikishwa mahakamani kuwa kuwa sheria za nchi zinaruhusu kumshitaki.

DK, GHALIB BILAL AFURAHIA NGOMA YA WAFIPA SUMBAWANGA!!

Mgombea Mwenza wa urais wa CCM, Dk. Mohamed Gharib Bilal, akimnadi mgombea ubunge wa Jimbo la Sumbawanga mjiji, Aesh Khalfan, wakati wa mkutano wa kampeni uliofanyika jana Spet 30 kwenye Kijiji cha Mtimbwa Kata ya Kasense Wilaya ya Kasense. (Picha na Muhidin Sufiani)

Mgombea Mwenza wa Urais wa CCM, Dk. Mohamed Gharib Bilal, akifurahia ngoma ya utamaduni yaKizuite ya kabila la Wafipa, wakati wa mapokezi yake alipowasili kwenye uwanja wa Kijiji cha Mtimbwa Kata ya Kasense Wilaya ya Sumbawanga Mkoa wa Rukwa, kufanya mkutano wa kempeni jana Sept 30.

Wasanii wa Kikundi cha Ngoma ya Utamaduni cha Kanondo, wakionyesha umahiri wao wa kecheza ngoma hiyo mbele ya Mgombea Mwenza wa urais wa CCM, Dk. Mohamed Gharib Bilal, baada ya kuwasili Kijiji cha Mtimbwa Kata ya Kasense Wilaya ya Sumbawanga Mkoa wa Rukwa kufanya mkutano wa kampeni jana Sept 30.

Wananchi wa Kijiji cha Mtimbwa Kata ya Sense Wilaya ya Sumbawanga Mkoa wa Rukwa, wakishangilia kwa pamoja wakati mgombea Mwenza wa urais wa CCM, Dk. Mohamed Gharib Bilal, alipokuwa akiwahutubia katika mkutano wa kampeni leo Sept 30.

Rais Kikwete awasili Singida akitokea Tabora ,maelfu wampokea Shelui!!

Mgombea Urais wa Jamhuri ya Muungano wa Tanzania kupitia Chama Cha Mapinduzi Mheshimiwa Jakaya Mrisho Kikwete akimnadi mgombea ubunge wa Jimbo la Igunga Rostam Aziz, mara baada ya kuhutubia mkutano wa kampeni uliohudhuriwa na maelfu ya wakazi wa Igunga leo tarehe 1.10.2010.(Picha Freddy Maro na Kikosi Kazi)

Mgombea urais kwa tiketi ya Chama Cha Mapinduzi CCM Dr.Jakaya Mrisho Kikwete akimnadi mgombea ubunge jimbo la Igunga Rostam Aziz wakati wa mkutano uliofanyika mjini Igunga, mkoani Tabora leo mchana(Picha na Freddy Maro)

Maelfu ya wakazi wa kata ya Shelui,wilayani Komboi mkoa wa Singida wakimsikiliza mgombea urais kwa tiketi ya CCM Dr.Jakaya Mrisho Kikwete wakati aliposimama kwasalimia leo jioni.Rais Kikwete amewasili mkoani Singida akitokea mkoani Tabora.

Mikono ya Mheshimiwa Kikwete akisalimiana na wananchi wa Igunga mara alipowasili kwa mkutano mkubwa wa kampeni Wilayani Igunga Mkoa wa Tabora leo tarehe 1.10.2010.

Wananchi wa Uyui wakimshangilia Mheshimiwa Jakaya Kikwete mara alipowasili kwa ajili ya mkutano wa kampeni.

anachuo wa IFM wamuomba Kikwete kuingia kati kupanda ada ghafla!!

Na Mary Kweka-Maelezo-Dar-Es-Salaam

WANAFUNZI wa Chuo cha Usimamizi wa Fedha (IFM) wamemwomba Rais Jakaya Mrisho Kikwete kuingilia kati tatizo la ongezeko la gharama za masomo chuoni hapo ambazo hazitambuliwi na Bodi ya Mikopo ya Elimu ya Juu

Kauli hiyo imetolewa jana Jijini Dar-Es-Salaam na Msemaji wa anafuzi hao Bw. Frank Fundi wakati wa mkutano na waandishi wa habari kwenye ukumbi wa Idara ya Habari(MAELEZO).

Alisema ongezeko hilo la gharama za masomo limetokana na wao kurudia masomo kwa mwaka 2008/09 waliodahiliwa hapo awali ambapo walikuwa wakilipa ada ya Tsh. Milioni 1 kwa mwaka ikingalisha na Tsh. 1.8, ambalo ni ongezeko la Tsh. 800,000 kwa mwaka wa masomo 2009/10.

Kwa mujibu wa Fundi, kutokana na kushindwa kulipa ada hiyo, Chuo hicho kimeamua kuyazuia matokeo yao ya mihula yao yote miwili ya mwaka wa masomo 2009/10 na kuwafanya kushindwa kufahamu kama wanatakiwa kufanya mitihani ya marudio ambayo tayari imekwishaanza Chuoni hapo.

Alifafanua kuwa kwa mujibu wa Sheria za Chuo hicho, zinasema kuwa iwapo mwanafunzi atakuwa ameshindwa mitihani ya mwisho wa muhula na akashindwa kufanya mitihani ya marudio kanuni zinasema mwanafunzi huyo atatakiwa kurudia mwaka wa masomo.

“Tunamwomba Rais Kikwete kupitia ahadi yake aliyoitoa mwaka 2005 kuwa hakuna mtoto masikini atakayeshindwa kusoma sababu ya umaskini wake, itugeukie sisi na hatimaye kupata ufumbuzi wa suala hili kwani majibu ya Uongozi wa chuo hayatupi matumaini badala yake yanatukatisha tamaa”alisema Fundi .

Aliongeza kuwa ni ukweli usiopingika kuwa maendeleo ya Taifa siku zote yanaletwa na wasomi, hivyo ni jambo la ajabu kuona vyanzo vya elimu vinakuwa vigumu na hivyo kuifanya nchi kukosa wataalamu wanatakaopanga na kutekeleza mipango ya maendeleo au Uchumi.

Idadi ya wanafunzi waliokumbwa na tatizo hilo la kuzuiliwa matokeo kutokana na kushindwa kulipa ongezeko la ada ni 100 kutoka katika vitivo vya mifumo ya mawasiliano ya kompyuta na sayansi ya kompyuta, ambao wote kwa pamoja walidahiliwa katika mwaka wa masomo 2008/09.

MKUTANO WA WADAU WA MAJI WAMALIZIKA UBUNGO PLAZA!!

Waziri wa maji na umwagiliaji Mhe.Prof. Mark Mwandosya akifurahia machapisho ya shirika la kimataifa la WaterAid katika mkutano wa wadau wa maji uliomalizika jana jioni jijini Dar es salaam, anaetoa maelezo ni Afisa Mawasiliano wa Shirika hilo Bi. Sekela Mwambuli kushoto kwa Sekela ni Richard Lucas wa Taasisi ya Daraja.

Wadau wa maji nchini katika picha ya pamoja na waziri wa maji na umwagiliaji Mhe. Mark Mwandosya mara baada ya kufunguliwa kwa mkutano wa mwaka wa wadau hao juzi, ubungo plaza jjijini Dar es salaam

MAMA MWANAMWEMA SHEIN AKUTANA NA AKINA MAMA WAVUVI!!

Mama Mwananmwema Shein, mke wa Makamu wa Rais wa Jamhuri ya Muungano wa Tanzania ambaye pia ni mgombea U-Rais wa Zanzibar kupitia Chama cha mapinduzi Dk Ali Mohamed Shein akizungumza na Mama Asha Nahodha,mke wa Waziri Kiongozi wa serikali ya Mapinduzi Zanzibar,muda mfupi baada ya Mama Shein kuzungumza na kikundi cha akina mama wa uvuvi wa chaza hapa Zanzibar .

Mama Mwanamwema Shein, Mke wa Makamu wa Rais wa jamhuri ya Muungano wa Tanzania, ambaye pia ni mgombea U- Rais wa Zanzzibar kupitia Chama cha Mapinduzi Dk Ali Mohamed Shein akijadilina jambo na Mwakilishi mstaafu wa baraza la wawakilishi Bi Mvita Musa Kibendera,wakati Mama Shein alipofanya mkutano na kikundi cha akina mama wavuvi wa chaza mjini Zanzibar.

Picha/Clarence Nanyaro

Kampeni za Mheshimiwa Jakaya Kikwete Uyowa Wilayani Urambo mkoa wa Tabora!!

Mgombea urais wa Jamhuri ya Muungano wa Tanzania kupitia Chama Cha Mapindzi CCM Mheshimiwa Jakaya Mrisho Kikwete akihutubia mkutano wa kampeni katika mji wa Uyowa Wilayani Urambo leo tarehe 30.09.2010, Uchaguzi wa Rais, Wabunge na Madiwani unatarajiwa kufanyiaka Oktoba 31 mwaka huu nchini kote.

Umati mkubwa wa watu wakimshangilia Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete akiingia Uyowa, Ulyankulu Wilayani Urambo.

Wananchi wa Uyowa wakiwa na nyuso za furaha wakati wakifuatilia hotuba ya Mheshimiwa Kikwete kwenye mkutano wa kampeni Uyowa leo tarehe 30.09.2010

KCB Tanzania kulea watoto yatima 11 kutoka kituo cha amani orphanage

Mkurugenzi wa Masoko na Mawasiliano wa K CB Tanzania ,Christina Manyenye akikabidhi vifaa vya kufundishia vyenye tahamni ya milioni 2/- kwa watoto wa kituo cha Amani Orphanage Center cha Boko kinachohudumia watoto yatima na wanaoishi kwenye mazingira magumu wakati wa hafla liyofanyika shuleni hapo jijini Dar es Salaam leo.

Mkurugenzi wa kituo cha Amani Orphanage Center Margareth Mwegalawa akipokea msaada wa vifaa vya kufundishia vyenye thamani ya milioni 2/- kutoka kwa Mkurugenzi wa Masoko na Mawasiliano wa KCB Tanzania ,Christina Manyenye wakati wa hafla iliyofanyika kwenye kituo hicho kinachohudumia watoto yatima na wanaoishi kwenye mazingira magumu jijini Dasr es Salaam leo.

Meneja Uhusiano wa KCB Tanzania , Austin Makani akigawa vinywaji kwa wanafunzi wa kituo cha Amani Orphanage Center wakati wafanyakazi wa benki hiyo walipotembelea kituo hicho na kutoa msaada vifaa vya kufundishia vyenye thamani ya shilingi milioni 2/- jijini Dar es Salaam leo.

Mkurugenzi wa Masoko na Mawasiliano wa KCB Tanzania, Christina Manyenye (kushoto) na Mkurugenzi wa kituo cha Amani Orphanage Center , Margareth Mwegalawa wakiwasaidia kufungua maboksi yenye vitabu vilivyotolewa na benki hiyo wakati wafanyakazi wa benki hiyo walipotembelea kituo hicho na kutoa msaada wenye thamani ya shilingi milioni2/- jijini Dar es Salaam jana

Baadhi ya wfanyakazi wa KCB Tanzania wakiwa wamewabeba watoto wa kituo cha yatima na wanaoishi kwenye mazingira magumu cha Amani Orphanage Center cha Boko wakati wa makabidhiano ya vifaa vya kufundishia vyenye thamani ya milioni 2/-kwenyer hafla iliyofanyika shuleni hapo jana jijini Dar es Salaam

Na Mwandishi Wetu

BENKI ya KCB Tanzania imeamua kubeba jukumu la kuwalea watoto 11 wa kituo cha watoto yatima cha Amani Orphanage Centre kwa kukikisaidia na kukihudumia kwa mahitaji ya vifaa muhimu vya shule kwa watoto hao kilichopo Boko jijini Dar es Salaam.

Akizungumza katika hafla ya kukabidhi msaada wa vifaa mbalimbali wenye thamani ya zaidi milioni 2/- kwa ajili ya takribani watoto 45 wa shule hiyo,Mkurugenzi wa Masoko na Mawasiliano wa benki hiyo Christina Manyenye alisema kwa kuanzia wametoa vifaa hivyo ili viwasaidie kwanza yatima.

Akifafanua alisema kutokana na kuguswa na watoto wa kituo hicho kilicho chini ya Shirika la Empowering Children and Community Organization kilichoanzishwa kusaidia watoto yatima na wale wanaoishi katika mazingira magumu wameona wakisaidie kutokana na kuona kwamba ndoto za watoto hao ni sawa na za wanaotoka katika familia zinazojimudu kimaisha.

“Hivyo basi hatuna budi kuwasaidia watoto hawa na tunaahidi kuendelea kuwasaidia ili kukipunguzia mzigo kituo cha Amani jukumu la kuwalea watoto kituo hiki cha Amani ikiwa ni pamoja na kuwawezesha kusoma. Ni wachache sana wanaoweza kufanya ubinadamu huu,” alisema Manyeye.

Hata hivyo aliongeza kwamba msaada huo umefuatia KCB Tanzania kutambua umuhimu wa jamii na kufahamu ukweli kuwa maendeleo ya jamii ni maendeleo ya taifa zima. Aidha alisema bila jamii yenye maendeleo uwepo wao kama benki utakuwa na mashaka.

Kwa upande wake Mkurugenzi Mtendaji wa kituo hicho Margareth Mwegalawa alisema kuwa licha kuhudumia watoto yatima 11 wanaoishi bweni, pia wanahudumia watoto wengine wanaoishi katika mazingira magumu kwa kuwapatia vifaa vya shule na mahitaji mengine.

Hata hivyo wanakabiliwa na uhaba wa vyumba vya kulala watoto, vitanda, uchakavu milango na madirisha ya jengo la kituo hicho jambo linalochangia kituo kuchukua watoto wachache wanaoendelea kuishi kwenye mazingira magumu.

Kutokana na hilo waliiomba KCB Tanzania na taasisi zingine kujitokeza kukisaidia kituo hicho kwa kukipa misaada mingine ikiwemo magodoro, vitanda, vifaa vya kusomea watoto, vyakula, madawati ya kukalia na vifaa vya kufundishia.

Nae Afisa Maendeleo ya Jamii kata ya Bunju, Syzgo Alexander aliiopongeza benki hiyo kwa kuwa na moyo huo wa kujitolea na kusema kutokana na mahali kilipo kituo imeonesha imejitoa kuihudumia jamii kwa hali na mali jambo alilotaka liiungwe mkon o na Watanzania.

KCB Tanzania ni benki kubwa Afrika Mashariki ikiwa na rasilimali nyingi ikiwemo matawi zaidi ya 200 na mashine zaidi ya 400 za kutolea fedha (ATM) zilizotawanywa kote Afrika Mashariki na mtandao unaofikia nchi za Rwanda na Sudan Kusini.

Jeshi la polisi lawatunuku vyeti askari waliofanya vyema

Mgeni rasmi Waziri wa Mambo ya Ndani Lawrence Masha akimtunukia Cheo Mmoja wa wahitimu waliofanya vizuri katika mafunzo uafisa wa Polisi PC Happines Temu wakati wahitimu hao walipotunukiwa vyeti vya kumaliza mafunzo hayo leo kwenye Chuo cha maafisa wa polisi (Dar es salaam Police Academy) yaliyofanyika leo jijini Dar es salaam. Wahitimu hao pia walionyesha uwezo wao wa kukabiliana na wahalifu wakati zinapotokea ghasia katika maeneo mbalimbali ya nchi na kuonyesha uwezo mkubwa katika kutumia vifaa mbalimbali ambavyo ni vya kisasa kabisa Hongera Serikali kwa kuboresha vitendea kazi kwa jeshi hilo ambalo lina kazi kubwa ya kuhakikisha raia wote wanaishi kwa amani nchini ikiwa ni pamoja na kuwaongezea mbinu mpya askari kitu kitakachowaongezea ufanisi wawapo kazini.

Mmoja wa wahitimu wa kozi hiyo ambaye pia ni mwanahabari wa Jeshi la Polisi Insp. Mohammed R. Mhina akiwa ameshikila Camera yake ya video huku akiendelea kunasa matukio mbalimbali katika mahafali hayo ya maafisa wa Jeshi la Polisi yaliyofanyika kwenye Chuo cha Dar es salaam Police Academy kilichopo Kurasini jijini Dar es salaam.

Polisi wa Kikosi Cha kuzuia Fujo FFU waliovalia mavazi ya kisasa kabisa na yenye usalama zaidi kwa askari hao wawapo kazini wakionyesha jinsi ya kukabiliana na ghasia mara zinapotokea.

Wahitimu wa mafunzo hayo wakipita kwa gwarede la Heshima mbele ya mgeni rasmi Waziri wa Mambo ya Ndani Lawrence Masha hayupo pichani.

Magari Maalum papya yatakayokuwa yakitumiwa na jeshi la polisi Kikosi maalum cha kutuliza fujo FFU likionyesha uwezo wake wa kuzuia ghasia kwa kurusha maji leo mbele ya wageni na waalikwa mbalimbali.

Waziri wa Mambo ya ndani ya Nchi Lawrence Masha akikagua gwaride wakati wa gwaride maalum lililofanywa na wahitimu wa Chuo cha Maafisa wa Polisi Dar es salaam Police Academy kilichopo Barabara ya Kilwa Jijini Dar es salaam.

Baadi ya wahitimu wakionyesha uwezo wao wa kujihami kwa kucheza Karatee wakati walipohitimu mafunzo hayo.
Picha na mwanahabari wa Jeshi la Polisi Insp. Mohammed R. Mhina.