SAFIRI SALAMA P.DIDY

Ile safari ya mwisho ya kila binadamu katika duniani hii kwa Perfect kasiga 'P. Diddy' imehitimishwa jioni ya leo katika makaburi ya Kinondoni jijini Dar es salaam huku warembo kibao wakipoteza fahamu wakati wa kuaga mwili wake. Ibada ya kumuombea marehemu, ambaye alikuwa mchumba wa mtangazaji wa TBC1, Maimartha Jesse, ilifanyika nyumbani kwake Kinondoni kwa Mwanamboka. P. Diddy, alifariki dunia ghafla barabarani mtaa wa Lumumba jana jijini Dar es salaam na kifo chake kushitua wadau wengi wa burudani jijini Dar es salaam.

Mtangazaji wa wa kipindi cha B&M, Ben Kinyaiya, ambaye anafanyakazi pamoja na Maimartha, mchumba wa marehemu, akitoa salamu zake za mwisho mbele ya jeneza huku akilia.

..hakika ni wakati wa majonzi na kilio kwa Ben Kimyaiya.

...warembo waliofanyakazi pamoja na marehemu katika masuala ya burudani walishindwa kujizuia kulia kwa uchungu

'Kimwana wa Manywele' (kati) ambaye anashikilia taji hilo lililoandaliwa na marehemu enzi za uhai wake, alikuwa miongoni mwa warembo waliopoteza fahamu (pichani chini) baada ya kumuaga marehemu.

Judith Mosha akisaidiwa kutembea baada ya kumuaga marehemu. Judith ndiye Mkurugenzi wa bendi ya Diamond Musica ambayo marehemu alikuwa mkurugenzi msaidizi wake ambaye alipanga bendi yake ifanye shoo kabambe wakati wa sikukuu ya Idd leo.

baadhi ya wanamuziki wa bendi waliohudhuria maziko....akiwemo Ali Choki (shoto), Kalala junior (wa pili kulia)

Maimartha Jesse akibebwa kuingia makaburini baada ya kushindwa kutembea.

MUNGU ALITOA NA MUNGU AMETWAA MJA WAKE, AILAZE ROHO YA MAREHEMU PEPONI-AMEEN!

(msaada toka global publisher)

TIP TOP NAO WAKATUPIA BADO TUNAPANDA KWA SOKO AISEE!!

Deso

Jana usiku vijana kutoka Tip Top Connection walizindua album yao inayoitwa Bado Tunapanda, uzinduzi ulikwenda vizuri sana na wasanii walioisindikiza show hiyo walifanya vizuri sana wakiwemo Lina, Yung D, Godzilla, Jafaray, Roma na Mwasiti.

FM ACADEMIA WAZINDUA "VUTA NIKUVUTE" KWA KISHINDO DIAMOND JUBILEE USIKU HUU!!

Mkurugenzi wa Mabibo Heineken Beer Benedicta Rugemalila kulia akipunga mikono mara baada ya kuizindua albama ya sita "Vuta Nikuvute" ya Bendi ya muziki wa dansi FM Academia kwenye ukumbi wa Diamond Jubilee usiku huu akishirikiana kwa pamoja na Mkurugenzi wa Masoko wa Zain Kelvin Twisa wa pili kutoka kulia na Felician Mutta katikati, anayeonekana kuzungumza ni MC wa shughuli hiyo Benny Kinyaiya.

Rais wa Bendi ya FM Academia Nyoshi El Sadaat wa pili kutoka kushoto akiongoza wanenguaji wa kiume kutoka bendi hiyo wakati walipopanda jukwaani kwenye ukumbi wa Diamond Jubilee, FM Academia wanazindua albam yao ya sita inayoitwa "Vuta Nikuvute" usiku huu. Kumekuwepo na burudani mbalimbali kwenye ukumbi wa Diamond Jubilee unaojumuisha wanamuziki mbalimbali kutoka ndani na nje ya Tanzania, ambapo mwanamuziki Nameless kutoka nchini Kenya amefanya mambo makubwa huku akishangiliwa na mashabiki waliohudhuria kwenye uzinduzi huo.

Watotowazuri kutoka Bendi ya FM Academia waliendelrea kukonga nyoyo za mashabiki kwa staili mbalimbali wakati walipokuwa walionmyesha Makeke yao jukwaani.

Vimwanba wa FM Academia wakifanya vitu vyao jukwaani ilikuwa ni shoo babkubwa.

MC wa shughuli hiyo Benny Kinyaiya ambaye ni mtangazaji wa TBC1 akizungumza wakati alipokuwa akiendesha utaratibu wa onesho hilo kwenye ukumbi wa Diamond Jubilee usiku huu.

Mwanamuziki Nameless akimbembeleza kwa sauti nzuri huku akiwa amepiga magoti mmoja wa mashabiki wakati alipokuwa akiimba kwenyer ukumbi wa Diamond Jubilee usiku huu.

Mwanamuziki Nameless kutokam Kenya akimchukua mmoja wa mashabiki wa muziki waliohudhuria kwenye uzinduzi wa albam ya Bendi aya FM Academia ili wacheze wakati mwanamuziki huyo alipokuwa akitumbuiza kwenye ukumbi wa Diamond Jubilee usiku huu.

Mmiliki wa Bendi ya FM Academia Martin Kasyanju katikati akimtambulisha Felician Mutta kushoto kwa Mkurugenzi Masoko wa Zain Kelvini Twissa.

Mashabiki na wageni mbalimbali walioalikwa katika uzinduzi huo unaofanyika kwenye ukumbi wa Diamond Jubilee usiku huu.

Mmiliki wa bendi ya FM Academia Martin Kasyanju kulia akiwa pamoja na mmiliki wa zamani wa bendi hiyo Feliciani Mutta anayefuata akiwa ameongozana na maiwaifu wake kushoto ni Mkurugenzi wa Mabibo Heinekein Beer mama Benedicta Rugemalila wakiwa katika uzinduzi huo.

WAGOMBEA UBUNGE WATAMBULISHWA UBUNGO NA KAWE!!

Mgombea Ubunge (CCM)jimbo la Kawe Angela Kizigha (kulia) akiomba kura mbele ya mama Salma Kikwete kwa wapiga kura wake jijini jana uchaguzi mkuu unatarajiwa kufanyika oktoba 31 mwaka huu nchini kote.

Baadhi ya Madiwani Wanawake jimbo la Kinondoni na Ubungo Mkoa wa DSM wakitambulishwa na kuombewa kura katika uchaguzi Mkuu ujao.

Kijana ambaye kura zake hazikutosha katika kura za maoni Nape Mnauye (kulia) akiongea katika mkutano wa umuhimu wa kupika kura.

Kinamama wa UWT wa Jimbo la Kinondoni na Ubungo wakishangilia wakati wa utambulisho wa wagombea ubunge wa Ubungo na Kinondoni

Rais Kikwete katika swala ya eid mkoani tanga leo

Rais Jakaya Mrisho Kikwete akisalimiana na baadhi ya waumini wa dini ya kiislamu muda mfupi baada ya kumalizika kwa swalla ya Iddi iliyoswaliwa katika Msikiti Mkuu wa Riyadh mjini Tanga leo asubuhi

Rais Jakaya Mrisho Kikwete akipeana mkono wa Iddi na Rais Mstaafu wa awamu ya pili Mzee Ali Hassan Mwinyi wakati wa Swalla ya Iddi iliyoswaliwa katika Msikiti mkuu wa Riyadh mjini Tanga.Mzee Mwinyi ndiye mgeni Rasmi katika baraza la Iddi litakalofanyika kitaifa mjini Tanga.
Rais Mstaafu awamu ya pili Mzee Ali Hassan Mwinyi akisalimiana na Mufti Mkuu sheikh Issa Shaaban Simba wakati wa Swalla ya Iddi iliyoswaliwa mjini Tanga leo.Katikati anayeangalia ni Rais Jakaya Mrisho Kikwete
Rais Jakaya Mrisho Kikwete akiteta jambo na Mufti Mkuu wa Tanzania Sheikh Issa Shaaban Simba wakati wa swalla ya Idd iliyoswaliwa kwenye Msikiti Mkuu wa Riyadh mjini Tanga leo asubuhi (picha na Freddy Maro)

EID MUBARAK

Blogu ya JIWE THE DJ inapenda kuwatakia Eid Mubarak waislam woote popote pale walipo katika dunia hii.

vodacom foundation yasaidia watoto yatima kisiwani zanzibar

Mkurugenzi wa Mahusiano wa Vodacom Foundation Mwamvita Makamba akiwakabidhi Mbuzi watoto yatima na wanaoishi katika mazingira magumu wa mjini Unguja Zanzibar kwenye hafla ya futari iliyoandaliwa na Vodacom Foundation na kutoa misaada ya vyakula,madafutari pamoja na mbuzi 12 kwa ajili ya sikukuu ya Eid el Fitr,Vyote vikiwa na thamani ya Shilingi Milioni 2.

Naibu Khadhi Mkuu wa Zanzibar Shekhe Khamis Haji Khamis akiwakabidhi akiwakabidhi Mafuta ya kula watoto yatima na wanaoishi katika mazingira magumu wa mjini Unguja Zanzibar mara baada ya kukabidhiwa rasmi na Mkurugenzi wa Mahusiano wa Vodacom Foundation kwenye hafla ya futari iliyoandaliwa na Vodacom Foundation na kutoa misaada ya vyakula, mafuta ya kula,madafutari pamoja na mbuzi 12 kwa ajili ya sikukuu ya Eid el Fitr,Vyote vikiwa na thamani ya Shilingi Milioni 2.
Watoto yatima na waishio katika mazingira hatarishi wa mjini Unguja Zanzibar wakiwa wamepokea mbuzi wao mara baada ya kukabidhiwa na Mkurugenzi wa Mahusiano wa Vodacom Foundation Mwamvita Makamba kwenye hafla ya futari iliyoandaliwa na Vodacom Foundation na kutoa misaada ya vyakula,mafuta ya kula,madafutari pamoja na mbuzi 12 kwa ajili ya sikukuu ya Eid el Fitr,Vyote vikiwa na thamani ya Shilingi Milioni 2.
Mtoto yatima Sharifa Khamis wakidato cha tatu(10) akimuonyesha uhodari wa kuandika Mkurugenzi wa Mahusiano wa Vodacom Foundation Mwamvita Makamba kwenye hafla ya futari iliyoandaliwa Unguja Zanzibar , Vodacom Foundation walitoa misaada ya vyakula,mafuta ya kula,madafutari pamoja na mbuzi 12 kwa ajili ya sikukuu ya Eid el Fitr,Vyote vikiwa na thamani ya Shilingi Milioni 2.

VINJARI NA CAMERA YA JIWE!!!

anajulikana kama SHAMIMU MLACHA ama SHANEY ni mmoja kati ya wanaounda jopo la Flava zone toka hapa 106.5fm Radio Mlimani ya chuo kikuu cha dar es salaam akiwa kwenye pozi tofauti(sa haya si ndo makirikiri ya idd aisee)

MRISHO MPOTO ADONDOKA NA ADELA

Msanii mwenye mistari yenye ujumbe mzuri na kumfikia mtu kwa haraka ujumbe wake Mrisho Mpoto, ametoa wimbo wake mpya kama wiki na nusu sasa unaoitwa Adela akiwa amemshirikisha msanii Ismail aliyeimba kiitikio cha wimbo huu.
Wimbo huu Mpoto anamzungumzia Adela kwamba anyooshe kidole na hana nia mbaya yakumrudisha darasani, Studio ya Fishcrab chini ya Producer Lamar ndio umeutengeneza wimbo huu.
Ufuatilie wimbo huu mpya wa Mpoto ili upate na wewe ujumbe uliopo ndani ya wimbo huu wa Adela.

BODI YA KOROSHO YAZINDUA UNUNUZI WA KOROSHO NCHINI!!

Makamu Mwenyekiti wa Bodi ya Korosho Tanzania Hemed Mkali(katikati) akitangaza leo jijini Dar es salaam ufunguzi wa ununuzi wa korosho hapa nchini kwa msimu wa 2010/2011. Wengine ni Mkurugenzi wa Huduma za Masoko wa Bodi hiyo Mohamed Hassan Hanga (kushoto) na Meneja Tawi wa Bodi Tawi la Dar es salaam Martin Malifedha.

NA ZAHRA MAJID- MAELEZO.

MSIMU wa ununuzi wa korosho kwa mwaka 2010/2011 nchini unatarajiwa kuanza Jumatano ya wiki.

Ununuzi huo unatarajia kutumia Mfumo wa Stakabadhi ghalani ambapo Vyama vya Ushirika vitapeleka korosho kwenye maghala ya Serikali ambapo ndipo mnada utafanyikia.

Hayo yalisemwa jana jijini Dar-es-salaam na Makamu Mwenyekiti wa Bodi hiyo Hemedi Mkali wakati wa mkutano na waandishi wa habari katika ukumbi wa Idara ya Habari ( MAELEZO).

Alisema kuwa korosho zitauzwa kwa mnada utakaofanyika katika Bodi ya Korosho na katika Ofisi za Bodi katika mikoani Tanga, Mtwara, Pwani, Dar-es salaam, Morogoro, Ruvuma na Wilaya za Kyela na Ludewa Tunduru.

Mkali alisema kuwa korosho zitakazouzwa ni zile tu zitakazokuwa kwenye magulio yaliyosajiliwa na Serikali na kuongeza uuzaji wa korosho kinyume cha utaratibu huo , wahusika watachukuliwa hatua kwa mujibu wa Sheria namba 12 ya mwaka 2009.

“ Wanunuzi wa korosho wanaombwa wafuate taratibu hizi za ununuzi kwani watakaojaribu kukiuka taratibu hizi za ununuzi basi wajue Sheria hii inayohusu sekta ya korosho itachukua mkondo wake” Mkali alisema.

Mkali alizitaja kuwa timu zitakazoendesha mnada huo kuwa na wawakilishi toka Bodi ya Korosho,Vyama vya Ushirika Benki ya CRDB na NMB, Bodi ya Leseni za maghala Tanzania, Maafisa Ushirika watakaoteuliwa kama waalikwa na wengine wanaohitaji kushuhudia watafuata utaratibu maalum wa minada hiyo.

Halikadhalika, alisema kuwa,katika mfumo wa stakabadhi za mazao maghalani, kwa niaba ya wakulima korosho zitakusanywa na chama cha ushirika cha msingi katika magulio yaliyosajiliwa kwa kuwalipa wakulima asilimia 70 ya bei dira kwa korosho daraja la kwanza.

Mkali alisema kuwa watalipwa malipo ya pili asilimia 30 baada ya korosho kuuzwa mnadani.

“Aidha watalipwa malipo ya tatu (ya majaliwa) kutokana na bei itakayopatikana kwenye mauzo mnadani” Aliongeza Mkali.

Mkali alitaja viwango vya bei za korosho kuwa ni Tshs. 800 kwa kilo moja kwa daraja la kwanza(STD) na Tshs. 640 kwa kilo moja kwa daraja la pili(UG).

VODACOM MISS TANZANIA KUMEKUCHA!!

Hizi ndiyo picha za warembo 30 wanaotarajiwa kupanda jukwaani Septemba 11 kwenye ukumbi wa Mlimani City jijini Dar es salaam katika shindano la kumsaka Vodacom Miss Tanzania jumamosi ijayo.

TOM & JENNY IN TANZANIA in BOOKSHOP!

A novel Idea Slipway, A novel Idea Seacliff Village, A novel Idea Steers, A novel Idea Shoppers Plaza, Scholastic Bookshop Mlimani City, Salamander Bookshop, Shrijee Supermarket Morogoro Store, Triniti Bar & Restaurant, TPH Bookshop, At the Green Bookshop, Mtindilo General Enterprise, TIC Shop Seacliff, Mchilavula Bookshop, JM Mall Supermarket, Airport Internet Café, Safari Boutique, Cliffton Supermarket, Treasure of Africa, La Petite Galerie, African Art, Alliance Francaise, Epis d’or, Zawadi Southern Sun, Mbalamwezi, Water Front Slipway, Muzu Art Galery, Namanga News Stand, St Peter News Stand, Palm Beach News Stand, IST News Stand, Kall Kwik Bookshop, Out of Africa, Airport Bookshop, Kipepeo Beach Resort, Cultural Heritage Cliffton Plaza Village Walk ALSO available at Novel Idea Arusha, Novel Idea Iringa, Bagamoyo Beach Resort -Bagamoyo, Memories of Zanzibar-Zanzibar, Morogoro, Mombasa, Belgium.

YOU CAN AS WELL GET A COPY DIRRECTLY FROM US, NO MINIMUM ORDER!

For wholesale and interested Distributers and for more details contact:-

Tel: 0713 471 371

Ziara ya Mwenyekiti wa WAMA Mama Salma Kikwete-Mkoa wa DSM!!

Mwenyekiti wa Taasisi ya Maendeleo ya Wanawake (WAMA) Mama Salma Kikwete Sept,8,2010 jijini Dar es salaam(kulia) akimtambulisha Mbunge mtarajiwa wa Jimbo la Kigamboni Wilaya ya Temeke Mkoa wa Dar es Salaam kupitia CCM Dr.Faustine Ndugulile katika mkutano wa uhamasishaji kwa wanachama wa UWT katika Uchaguzi Mkuu ujao (Picha na (Mwanakombo Jumaa)

Mwanachama wa UWT wa Wilaya ya Temeke pamoja mtoto wake nao hawakukosa kuhudhuria mkutano huo wa uhamasishaji wa umuhimu wa kupiga kura katika Uchaguzi mkuu ujao,jijini Dar es Salaam Sept.8,2010, kwani mama huyo ijapokuwa ana mtoto mdogo lakini anahaki ya kufahamu umuhimu wa kupata elimu ya kupiga kura.Mkutano huo ulihudhuriwa na Mwenyekiti wa Taasisi ya Wanawake na Maenedeleo (WAMA) Mama Salma Kikwete hayupo pichani. (Picha na Mwanakombo Jumaa)

Aliyekuwa mshindani mkubwa wa Jimbo la Temeke Salim Chikago (kushoto) akipongezana na mshindi wa kura za maoni katika jimbo hilo Abbas Mtemvu katika mkutano huo jijini Sept.8,2010.ambao ulihudhuriwa na Mwenyekiti wa Taasisi ya WAMA Mama Salma Kikwete (hayupo pichani)

UJUMBE WA LEO TOKA BLOG JIRANI!!!

Mtanzania yeyote Mzalendo wa kweli, mwenye akili timamu, asiye na mtindio wa ubongo, wala mtumwa wa hila chafu, wala udumavu wa kiakili, tena asiye na utando wa buibui wala tongotongo za ufisadi machoni, wala asiye mzembe wa kufikiri, anaalikwa asome kwa uangalifu na azingatie makala hii na awashirikishe ndugu, jamaa na marafiki zake popote pale walipo..

Dr Slaa yes we can! Huyu ni mtanzania wa pili baada ya Nyerere kuchukia ufisadi kwa vitendo. Ni mtanzania wa pili kuchukia umaskini wa watanzania kwa vitendo. Ni Dr. Slaa aliyesimama na kutaja majina ya wala rushwa na mafisadi. Akataka wale wanaopinga wampeleke mahakamani. Hakuna aliyethubutu kujitokeza kumpeleka mahakamani.

Ni Dr. Slaa aliyesimama bungeni kuomba posho za wabunge kupungzwa kuzielekeza zaidi kwa watanzania maskini. Ni Dr Slaa aliyesimama bila woga kunyosha vidole kwa matumizi mabaya ya ofisi za umma. Ni Dr Slaa amekuwa mtanzania baada ya Nyerere kutoa hoja za nguvu zinazomlenga kumkomboa mtanzania maskini. Maisha bora kwa kila mtanzania yako wapi? Ajira milioni moja ziko wapi? Hebu mwenye mbavu za kujibu swali hili ajibu bila unafiki!

Ni Dr Slaa anayeweza kudhibiti matumizi mabaya ya ofisi za umma. Ni Dr Slaa anayeweza kuwapa elimu ya bure watoto wetu pale mlimani. Achana na longolongo za CCM kuwatoza ushuru watoto. Waulizeni majukwaani wao Nyerere aliwatoza ada? Kama si kutaka watanzania waendelee kuwa mambumbumbu ni nini? kama si kutaka watanzania tuendeleee kuwa watumwa ni nini?

Ni Dr. Slaa anayeongelea treni ya umeme kwenda Kigoma, Dodoma, Tabora, na Mwanza. Waulize mpango wao ccm kama si kuwapa wahindi wanaoleta mabehewa ambayo mababu zetu walitumia wakati wa ukoloni. Sasa wahindi wanabaki kutudanganya na bajaji wakati vyuma chakavu vya reli sasa vinatumika kujenga vyoo. Hawa hawatutakii mema. Hawana tofauti na akina Carl Peters.

Ni Dr Slaa anayeongelea mfumko wa bei -nani hajajua dola leo hii ni sawa na tsh 1500. Uchumi unadidimia kwa kasi. Ahadi nyingine za uongo lukuki zinatolewa tena, wakati zile tulizoahidiwa mwaka 2005, hata moja haijatekelezwa. Watanzania walio wengi na hasa wa vijijini, wamelala usingizi. Wanafumbuliwa macho, lakini wamesinzia bado! Wanatabasamu, wanachekelea na kuridhika na vitisheti vya kijani na vikofia za njano. Wamekwishazoea shida kiasi kwamba wanadhani ni sehemu ya maisha yao. Ee mwenyezi Mungu, tunusuru na hili balaa..

Ni Dr.Slaa anaweza kuzuia wizi wa matrilion ya pesa kutoka migodi yetu ya Buzwagi, Geita, Bulyankulu, Buhemba, Nyamongo, Tulawaka, Nzega na Tanzanite. CCM wameshindwa kwa sababu ni washirka wakubwa na wameruhusu wizi huo. Ni Dr Slaa anaeweza kuwalipa wafanyakazi zaidi ya shilingi 350.000 achana na CCM ambayo imeshindwa kusimamia maliasili ambazo zingeliwapa wafanyakazi kima cha chini kinachokidhi mahitaji yao.

Ni Dr.Slaa anayeweza kusimamia mashirika ya umma kuleta tija achana na CCM wanaofyonza michango yetu kule, kwani haya mashirika yameshindwa nini kuwajengea nyumba wanachama wake? Mbona kwingine yameweza? Ni Dr.Slaa anayeweza kuongoza nchi bila woga, kwa utawala wa kweli wa sheria bila kuwaonea watu wala bila kulipiza visasi.

Ni Dr. Slaa ambaye amepanga kubadili katiba ili Rais afuate matakwa ya walio mwajiri ambao ni wananchi. Waulize CCM hata kama mtu kaiba anapewa mda arudishe pesa. Hivi inaingia akilini kweli? Utawala wa sheria uko wapi? Naomba niwape heko ITV kwa kuturejeshe kwenye hotuba za mwalimu. Katika hotuba yake moja alisema waziri mmoja kule uingereza aliandikwa kidogo tu gazetini juu ya kashfa, yule waziri alijiuzulu na waziri mkuu hata hakumjibu bali aliteua mtu mwingine.

CCM hawawezi hayo? Eti wanataka ushahidi. Nani kawambia rushwa tule wawili harafu tutoe vielelezo? Tunaiona rushwa kwa matokeo yake. Matengenezo ya barabara ya bilion 200, baada ya siku mbili imeharibika. Kwanini usimfukuze waziri na katibu wake wa wizara kwanza? CCM hawawezi! eti wanataka vielelezo!

Ni Dr Slaa anayeweza kufanya hayo. Si tumeona mnazi mmoja alivyowataja mafisadi wote! hapo akiwa ni mbunge tu! Je akiwa rais si watakimbia nchi? Jamani nawambia tumpe miaka mitano tu awakurupushe muone moto utakavyowaka.. Tutapata dawa, tutapata shule za bure, tutapata madawati. Jamani hivi kweli karne ya leo watoto wanasoma wamekaa chini? we must be serious! Hivi kweli dunia ya leo watu wanavuliwa nguo njiani kwenda Mwanza, Shinyanaga, Tabora, Kigoma, Mbeya, Lindi na Mtwara kwa sababu ya usafiri wa malori?

Nani asiye jua madaktari wetu wengi bingwa wapo botswana kwa sababu ya maisha duni Tanzania na hivi kwenda kutafuta maisha bora wakati hapa kwetu wananchi maskini wanakufa bila madawa? Nani asiyejua matatizo ya umeme, maji, makazi, maradhi, yanavyotutesa? Nani asiyejua wakulima wetu wasivyokuwa na masoko ya mazao yao? Nani asiejua asilimia 85 ya watanzania wanatumia vibatari au makoroboi kama mwanga? nani asiejua tunavyonyonywa na hawa wakoloni waliokuja kuchukua kila kitu??

Jamani wafanyakazi, wakulima, na wanafunzi, kwa nini mnalala usingizi? Kwa nini mnapiga miayo ya njaa wakati maghala yetu yamejaa nafaka? Ni akili gani hii? Nchi yetu inazo raslimali za kututosha, lakini wanaozifaidi ni vibaka wachache. Mtalala hadi lini?

Ni Dr Slaa mzalendo wa kweli, na sio kwa ajili ya sifa, anaweza kutuvusha tulipo. Nchi hii ni maskini na umaskini wenyewe ni wa kujitakia. Tanzania ni tajiri tuna kila kitu - mito, maziwa, national parks, migodi, mazao ya misitu, na kila aina ya utajiri. Lakini tuko maskini wa kutupwa! Naona huruma na umaskini wa kifikra wa watanzania.

Hivi kuna mtu hajui mapolisi wanalala kwenye vibanda vya mabati? Hivi kuna ambao hawajui mapolisi watendaji wanalipwa laki moja? Wamekosa nini hawa? Ni ajabu! pamoja na laki yao moja utakuta bado wanatumika kuwanyanyasa watetezi wao. Hata maaskari amkeni hiyo laki moja yenu haina tija hadi mrubuniwe kuwanyanyasa wapinzani ambao kimsingi wanawatetea ninyi! Hivi maaskari mnayo macho ya kuona? Jamani tuache woga inawezekana! Mbona Kenya wameweza? Mbona malawi wameweza?Mbona zimbabwe wameweza? Mbona Ghana wameweza? Kufanya mabadiliko sahihi, inawezakana na nafasi ni hii tuitumie.

Tumtume Dr Slaa atukurupushie wezi wote na atuwekee katiba sawa. Huo ndio msingi wa yote. Ni Dr. Slaa asiyeogopa kuwepo na mgombea binafsi. CCM hili hawaliwezi. Wamelipinga hadi mahakamani. Wanataka wao tu ndio waendelee kututawala na kutunyonya.

Jamani 2010 hakuna kudanganyika! enough is enough. Acheni kudanganyika. Wakati ndio huu. Watanzania msipoamua sasa, mtamlaumu nani tena? Nawatamani watu wa kule Mara -hakuna kura inaibiwa. Zote zinasimamiwa. Tukibadilika inawezekana, tena ni rahisi. Peleke ujumbe huu kwa marafiki, ndugu, jamaa, babu na bibi yako kule kijiji ambako wanadhani bado Nyerere ndiye rais wa nchi hii. Peleka ujumbe huu haraka kwa simu kama ipo, au kwa njia ya posta, mradi tu wale jamaa waliochoka kuishi wasiikwapue barua wakidhani ni hela..