KATIKA KUSHEREKEA MIAKA KUMI JAY DEE KUSOMESHA YATIMA WAWILI!!

Mwanamuziki Lady Jay Dee wa Machozi Band akizungumza na waandishi wa habari kwenye Hoteli ya Paradise City leo wakati alipozungumzia maadalizi ya miaka kumi tangu aanze shughuli za muziki, ambapo anatarajia kusherekea kwa kufanya onyesho kubwa kwenye ukumbi wa Mzalendo Pub siku ya Jumamosi Agosti 6 mwaka huu jijini Dar es salaam.

Mwanamuziki huyo amesema katika kusherehekea miaka yake hiyo kumi katika muziki PIA atawachagua watoto wawili ambao ni yatima kutoka katika vitua kadhaa hapa nchini na kuwasomesha kwa kulipia gharama zote kuanzia kidato cha kwanza mpaka kidato cha Nne katika kusaidia watoto wenye matatizo mbalimbali ya kibinadamu.

Jay Dee amesema kwamba anafurahia mafanikio yake katika muziki na amesema kitu kikubwa ni kuwa na nidhamu unapofanya kitu chochote kinachoweza kukuletea mafanikio katika maisha yako ya kila siku hivyo muziki anauheshimu na kuupenda kwa kuwa ndiyo kazi yake.

Mtangazaji wa TBC kipindi cha Muziki Mussa akiuliza swali wakati wa mkutano wa mwanamuziki Lady Jay Dee na wanahabari kwenye Hoteli ya Paradise City jijini Dar es salaam anayefuatia katika picha ni mtangazaji mwenzake na Mussa Lissa na Mwisho ni Mtangazaji wa kipindi cha Mitindo TBC Bazo Komu