FIESTA 2012 ILIVYOTINGISHA MUSOMA - YATOA MISAADA KWA WATOTO YATIMA

Msanii wa muziki wa Hip Hop Bongo, Roma Mkatoriki, akiwajibika mbele ya mashabiki wake, kwenye jukwaa la Serengeti Fiesta 2012, ndani ya Viwanja vya Karume mjini Musoma usiku wa kuamkia leo.

Msanii wa muziki wa Hip Hop Bongo, Farid Kubanda a.k.a Ngosha the Swagadon, akiwaimbisha mashabiki (hawapo pichani) wake waliokuwa wamefurika kwenye tamasha la Serengeti Fiesta 2012, ndani ya uwanja wa Karume mjini Musoma usiku wa kuamkia leo.

 Msanii wa filamu Bongo, Vincent Kigos 'Ray',akionesha manjonjo yake kwenye tamasha la Serengeti Fiesta 2012, muda mfupi baada ya kukaribishwa kwa ajili ya kuwasalimia baadhi ya mashabiki zao waliokuwa wamefurika ndani ya uwanja wa Karume mjini Musoma.

 Wasanii wa Filamu Steve Nyerere (kushoto), na Aunt Ezekiel wakishindana kuonesha uwezo wa kuzungusha mauno yao katika tamasha la Sererengeti Fiesta 2012, lililofanyika kwenye uwanja wa Karume mjini Musoma. 

 Sehemu ya umati uliyofurika viwanjani hapo ukifuatilia kwa makini makamuzi ya wasanii hao wa Filamu, kwenye Tamasha la Serengeti Fiesta 2012, mjini Musoma.

 Msanii mwenye umbo kubwa katika tasnia ya filamu Bongo, Jacob Steven 'JB', akionesha uwezo wa kunengua kwenye Tamasha la Serengeti Fiesta 2012 ndani ya uwanja vya Karume mjini Musoma. 

 Kati ya mashabiki waliyoshindwa kujizuia katika tamasha la Serengeti Fiesta 2012, wakizungusha nyonga zao kama inavyoonekana kwenye viwanja vya Karume mjini Musoma. 

 Ray na Steve Nyerere (wa kwanza kutoka kushoto), wakishindana kusakata sebene kwenye Tamasha la Serengeti Fiesta 2012 ndani ya uwanja wa Karume mjini Musoma.

Ray akipagawa na jukwaa huku makelele yakiwa yametawala kila kona uwanjani hapo.

Rais wa masharobaro Bongo, Bob Junior (katikati), akisongesha burudani za Serengeti Fiesta 2012, na Wanenguaji wake ndani ya Viwanja vya Karume mjini Musoma.

Mkongwe wa muziki wa Bongo Fleva Profesa Jay akionesha uwezo wake wa kukamua jukwaani kwenye Tamasha la Serengeti Fiesta 2012, ndani ya uwanja wa Karume mjini Musoma usiku wa kuamkia leo.

Ommy Dimpoz akipagawisha mashabiki wake ndani ya Viwanja vya Karume mjini Musoma, katika Tamasha la Serengeti Fiesta 2012.

Mwasiti akiwa amepakatwa na mmoja wa mashabiki zake kwenye Tamasha la Serengeti Fiesta 2012, ndani ya Viwanja vya Karume mjini Musoma huku akiyamwaga mauno ya kiuchokozi chokozi.

Mmoja wa wasanii waliyoibuka kidedea katika mchakato wa Serengeti Super Nyota 2012, akidhihirisha uwezo wake wa kuimba ndani ya uwanja wa Karume mjini Musoma.

Dimpoz na wanenguaji wake, wakiwajibika kwenye jukwaa la Serengeti Fiesta 2012, ndani ya viwanja vya Karume mjini Musoma.

Msanii wa muziki wa kizazi kipya Bongo Rachel (kushoto), akionyesha uwezo wake katika uwanja wa Karume mjini Musoma, kwenye Tamasha la Serengeti Fiesta 2012 na wanenguaji wake.

Rachel akikamua kwenye uwanja vya Karume mjini Musoma ndani ya tamasha la Serengeti Fiesta 2012.

Chege,Temba na Bi Cheka wakiwajibika jukwaani kwenye onesho la Serengeti Fiesta 2012, ndani ya Viwanja vya Karume mjini Musoma.

Mashabiki wa kizungu wakipagawa na burudani ya Serengeti Fiesta 2012, ndani ya Viwanja vya Karume mjini msoma.

Baadhi ya sehemu ya umati wa mashabiki waliozama ndani ya viwanja hivyo wakishuhudia burudani kutoka kwa wasanii mbalimbali.

Msanii wa michano ya Bongo Fleva, Nay wa Mitego akipagawisha jukwaani kwenye tamasha la Serengeti Fiesta 2012, mjini Musoma.

Mmoja wa Ma'DJ wa Clouds TV, PQ akisababisha burudani ya Serengeti Fiesta 2012 mjini Musoma.

Mashabiki wa burudani za Serengeti Fiesta 2012, wakiwa wamefurika uwanjani hapo tayari kwa kushuhudia burudani mbalimbali.

div class="separator" style="clear: both; text-align: center;">

Baadhi ya Wasanii wa muziki wa kizazi kipya a.k.a Bongofleva wakiongozwa na baadhi ya Wafanyakazi wa Clouds Media Group wakiwa katika picha ya pamoja jioni ya leo na watoto wanaolelewa  na kituo cha watoto Yatima/waishio katika mazingira sambamba na walezi wao kiitwacho Jipe Moyo Center,kilichopo kata ya Mwisenge,Musoma mjini mkoani Mara.Kampuni ya Clouds Media Group ikishirikiana na wasanii mbalimbali ambao jioni ya leo watatumbuiza kwenye tamasha la Serengeti Fiesta 2012,wametoa msaada wa vitu mbalimbali ikiwemo chakula kwa ajili ya kituo hicho chenye jumla ya watoto 17 waliopo kituoni hapo.

Msanii mkongwe wa muziki wa kizazi kipya,Prof Jay akishiriki kukabidhi sehemu ya msaada kwa niaba ya wasanii wenzake kwa baadhi ya watoto wanaolelewa na kituo hicho,kushoto ni Ofisa Mahusiano wa Clouds Media Group akikabidhi pia sehemu ya msaada uliotolewa na kampuni hiyo kwa walezi wa kituo hicho,kilichopo Musoma Mjini.

Mratibu Msaidizi wa kituo hicho cha Jipe Moyo Center,Bi.Imelda Odoyo akitoa mkono wa shukurani kwa ujio wao kwa baadhi ya Wasanii  mahiri wa hip hop hapa Bongo Prof. Jay na Fid Q . 

Afisa Mahusiano wa kampuni ya Clouds Media Group,Bwa.Simalenga akizungumza machache kwa niaba ya Kampuni na pia kwa wasanii aliombatana nao,katika suala zima la kukabidhi sehemu ya msaada wa vitu mbalimbali ikiwemo vyakula kwa kituo hicho mapema leo jioni,kulia kwake ni Mratibu Msaidizi wa kituo hicho cha Jipe Moyo Center,Bi.Imelda Odoyo na kushoto ni Mratibu wa kazi za kijamii wa kituo hicho,Bwa.Pantaleo Magesa Kuyenga.

Mratibu wa kazi za kijamii wa kituo hicho,Bwa.Pantaleo Magesa Kuyenga akiwakaribisha vyema baadhi ya wafanyakazi wa kampuni ya Clouds Media Group na Wasanii walioambana nao jioni ya leo,akiwemo Prof Jay,Fid Q,Chege,Mwasiti,Bibi Cheke,Omy Dimpo,Bob Junior,Roma,Barnaba na wengineo. 

Wasanii wa muziki wa kizazi kipya,wakiongozwa na mkongwe wa muziki wa Bongofleva,Prof Jay wakitia saini kitabu cha wakati,mara walipowasili kwenye kituo cha Jipe Moyo Center jioni ya leo,wasanii hao watatumbuiza jioni ya leo kwenye tamasha la Serengeti Fiesta 2012,ambapo kesho pia watakamua kwenye uwanja wa Kambarage,mjini Sinyanga. 

Mmoja wa wasanii anaekuja kwa kasi katika anga ya bongofleva,Ommy Dimpo a.k.a Pozi kwa Pozi akijitambulisha mbele ya wenyeji,ambapo wageni wote wakiwamo wasanii walijtambulisha.

  Mkongwe kwa umri lakini anakamua vilivyo kwenye anga ya bongofleva,Bibi Cheka nae akijitambulisha mbele ya wenyeji.

 Sehemu ya misaada kama inavyoonekana mara baada ya kukabidhiwa kwenye kituo hicho.

Baadhi ya wasanii wa muziki wa kizazi kipya wakiwasili kwenye kituo cha kulelea watoto Yatima/waishio katika mazingira magumu kiitwacho Jipe Moyo Center,kilichopo kata ya Mwisenge,Musoma mjini mkoani Mara.Kampuni ya Clouds Media Group ikishirikiana na wasanii mbalimbali ambao jioni ya leo watatumbuiza kwenye tamasha la Serengeti Fiesta 2012,wametoa msaada wa vitu mbalimbali ikiwemo chakula kwa ajili ya kituo hicho chenye jumla ya watoto 17 waliopo kituoni hapo.

(Kwa hisani ya www.shaffihdauda.com )

WASANII NYOTA WA BONGO MOVIE WAVAMIA MJI WA MOSHI NA KUKIRI WAZI TAMASHA LA SERENGETI FIESTA LEO PATAKUWA HAPATOSHI CHUO CHA USHIRIKA MOSHI.

Mmoja wa wasanii mahiri katika fani ya uigizaji hapa nchini,Wema Sepetu akifanya mahojiano mafupi na Millard Ayo wa Clouds FM mapema leo kwenye amsha amsha ya tamasha la Serengeti Fiesta ambalo linafanyika jioni ya leo mpaka lyamba ndani ya uwanja wa chuo cha Ushirika,ndani ya mji wa Moshi,ambapo katika tamasha hilo kiingilio kimepangwa kuwa ni nusu mnyama tu a.k.a 5,000/= kwa kila kichwa.

Wema Sepetu pia akizungumzia ujio wao ndani ya mji wa Moshi,kuwa wao kama Wasanii Nyota wa Filamu wamewasili mkoani humo kusaka vipaji vipya mbalimbali vya filamu,usahili huo unafanyika kwenye ukumbi wa Mr Price,ulioko mtaa wa Malindi.

Mtangazaji wa Clouds FM,Millard Ayo akiwa Live mapema leo mtaa wa Malindi katika mpango mzima wa amsha amsha kwa wakazi wa Moshi kuhusiana na tamasha la Serengeti Fiesta 2012,ambapo pia katika tamasha hilo kutatolewa zawadi mbalimbali ikiwemo gari ndogo aina ya Vits kama uinavyo pichani ikinadiwa vilivyo. 

Kawa kawa amsha amsha ya tamasha la Serengeti Fiesta pia linatoa mafuta kwa magari daladala,pikipiki sambamba na baji lita 10 ama tano kutoka kampuni ya Gapco ambao pia ni sehemu ya wadhamini wa tamasha hilo.

Msanii mwingine nyota katika tasnia ya filamu,Aunt Ezekiel akielezea ni namna tamasha la Serengeti Fiesta lilivyowambamba wakazi wa mji wa Moshi na vitongoji vyake,na pia ujio wao kuwatafuta wasanii wapya chipukizi katika tasnia hiyo ambayo imekuwa ikikua siku hadi siku.

Wema Sepetu katika pozi na washabiki wake mapema mchana huu.

Mastaa wetu wa filamu hapa nchini,wametokelezeaje sasaaa.

Kiongozi wa msafara wa tamasha la Serengeti Fiesta 2012,Mully B akiwa na mastaa wa filamu,Wema Sepetu na Aunt Ezekiel afu fulllll BBM kama kawa.

Millard Ayo akifanya mahojiano na Ray a.k.a Vincent Kigosi kuhusiana na ujio wao ndani ya  mji wa Moshi

Kutoka kushoto ni Mr Hatman,Steve Nyerere,Bonge pamoja na Millard Ayo katika shoo love ya pamoja.

Kila mmoja ana haki ya kupata habari na kuhabarishwa.

Pichani ni Gari aina ya Vits itakayotolewa jioni ya leo kwenye tamasha la Serengeti Fiesta 2012,kwa mshindi atakaejishindia kwenye droo itakayofanyika katika uwanja wa chuo cha ushirika,ambako tamasha hilo litarindima mpaka majogoo.

Jacob Steven a.k.a Steven akifafanua jambo mapema leo mtaa wa Malindi kuhusiana na suala zima la wasanii hao kulivamia jiji la Moshi

HABARI MPYA !!! MZEE ANTHONY MATONYA AFARIKI DUNIA KATIKA KIJIJI CHA BAHI SOKONI KITONGOJI CHA NGHUNGUNGU DODOMA.

Picha za matukio za ombaomba maarufu Mzee Anthony Matonya enzi za uhai wake katika eneo la daraja la mto Morogoro wakati akiwaomba samaria wema kuweza kumsaidia pesa kwa ajili ya kujikumu wakati huo akiishi katika kambi ya wazee ya Funga Funga Kichangani Manispaa ya Morogoro kati ya mwaka 2009 na mwaka 2011 kabla ya kurejea kwao katika Kijiji cha Bahi Sokoni, Kitongoji cha Nghungugu mkoani Dodoma. 

Picha za maktaba ya www.jumamtanda.blogspot.com

MZEE ANTHONY MATONYA AMEFARIKI DUNIA USIKU WA KUAMKIA LEO KATIKA KIJIJI CHA BAHI KITONGOJI CHA  NGHUNGUNGU DODOMA NA MWILI WAKE UNATARAJIWA KUZIKWA KATIKA MAKABURI YA KITONGOJI HICHO MAJIRA YA SAA 10 JIONI KIJIJINI HAPA.

TAARIFA ZAIDI ZITAENDELEA KUTOLEWA KADIRI ZITAKAPO TUFIKIA KATIKA BLOG HII, AIDHA TUNATOA POLE KWA NDUGU, JAMAA NA MAFARKI KWA KUFIKWA NA MSIBA HUO.
MUNGU AILAZE MAHALI PEMA POPONI AMIN

HII NI MAKALA MAALUMU INAYOELEZEA JUU YA MAISHA YA MZEE MATONYA WAKATI WA UHAI WAKE KATIKA KIJIJI CHA BAHI.

Ni umbali wa kilomita 48 kutoka mjini Dodoma ukifuata Barabara ya Singida.

Mita 50 pembeni mwa barabara hiyo upande wa mashariki, hapo ndipo ilipo nyumba anamoishi ombaomba maarufu nchini, Mzee Paulo Mawezi maarufu kwa jina la Matonya.

Yule Matonya aliyepata umaarufu jijini Dar es salaam na Morogoro kutokana na staili yake ya kuomba fedha kutoka kwa wapita njia.

Ni Matonya aliyepata umaarufu zaidi baada ya mkuu wa zamani wa mkoa wa Dar es salaam, Yusuf Makamba kumtimua jijini na kuagiza mamlaka husika kuhakikisha haruhusiwi kuingia kwenye mipaka ya Dar es salaam.

Ni yule ambaye baada ya kutimuliwa Dar es salaam, aliibukia Morogoro ambako aliendeleza staili yake ya kuomba akiwa amelala chali huku mkono akiwa ameunyoosha juu kwa muda mredfu bila ya kutikisika hata kama jua ni kali kupita kiasi.

Kijijini, Matonya anaishi kwenye nyumba ya tembe ambayo ni mali  ya mtoto wake wa kike aitwaye Elizabeth Matonya.

Nyumba hiyo ya asili ya watu wa Dodoma ipo kwenye Kijiji cha Bahi Sokoni katika Kitongoji cha Nghungugu, umbali wa kilomita 3 kutoka yalipo makao makuu ya wilaya ya Bahi.

Ilikuwa kazi ngumu kidogo kufika kwenye nyumba hiyo kwa kuwa nilikuwa nimeelekezwa kwamba makazi ya ombaomba huyo maarufu yapo katika Kijiji cha Kilimatinde wilaya ya Manyoni mkoani Singida, kumbe 'Komandoo' Matonya, kama anavyofahamika eneo hilo, alihama kijijini hapo zaidi ya miaka 30 iliyopita.

Mkuu wa wilaya ya Bahi, Betty Mkwasa ni sehemu ya mafanikio yangu katika kuifikia nyumba ya Matonya kwani ndiye alinielekeza kwa usahihi na hatimaye nikakifikia Kijiji cha Bahi Sokoni ambako nilimpata kwa urahisi kutokana na umaarufu wake.

Ilikuwa ni majira ya mchana, jua linawaka na hapo nikaingia kwenye nyumba iliyojengwa kienyeji (tembe) huku nikiwa nimelowa jasho na uchovu baada ya safari ndefu.

Nikajikuta niko uso kwa uso na mwenyeji wangu Matonya na bila ya kuchelewa mazungumzo yetu yalianza mara moja.

Swali: Shikamoo Mzee Matonya; mbona umejificha mbali sana huku. Unataka watu wasikuone au unamuogopa Makamba asije akakukamata na kukupeleka kwenye makambi ya wazee ?.

Jibu:
Marahaba. Karibu sana, lakini mimi ni kiboko yao sio Makamba tu hata na wengine wananijua na wanatambua umuhimu wa mimi kuwepo katika Jiji la Dar es Salaam na Morogoro kwani ninachangamsha miji hiyo vizuri. Kwani wewe ni nani mbona unaniuliza hivyo ?.

Baada ya kujitambulisha kwake, anaamuru watu wote wanaoishi katika nyumba hiyo kukusanyika na kusikiliza mazungumzo kati yangu na yeye huku akiwa ni mjanja wa kuuliza maswali ya kudadisi akitaka kujua zaidi lengo langu lilikuwa nini haswa.

Swali:
Matonya hapa ni nyumbani kwako au unaishi kwa nani, na hawa unaoishi nao ni akina nani haswa; ningependa kufahamu ?.

Jibu: Mimi sina nyumba ila hapa ni kwa mtoto wangu wa kike anaitwa Eliza huyo hapo.....( bila ya kuona anamuonyeshea kwa mbele ingawa aliyekuwa amekaa mbele yake hakuwa Eliza.

Watu wengine wananionyesha Eliza ambaye anatabasamu kidogo na kujibu kuwa ni yeye kweli. ?.

Swali: Ziko wapi mali zako ambazo umekuwa ukinunua kila unapotoka mjini ambako umesema kuwa huwa unakwenda kufanya kazi na huku unarudi kutumia ?.

Jibu:
Watu wanasema kuwa nina mali, lakini ni ‘walambi’ (akimaanisha kwamba ni waongo). Mimi sina kabisa mali; hata mbuzi; hata kuku sina na wala sina mpango wa kununua tena hata kama nina pesa kwa kuwa walishazoea kuniibia, hivyo sitaki tena kuwa na mali.

Swali:Kwani walikuibia nini hadi unasema kuwa hutanunua na hicho walichokuibia kilitoka wapi?.

Jibu:
Nilikuwa na ng’ombe wengi sana. Kila wakati walikuwa wakiwaiba wakati ninaishi Kilimatinde na ng’ombe hao nilinunua kwa pesa yangu ya kuomba huko Dar es Salaam.

Walikuwa wengi lakini waliibwa wote na ndugu zangu.

Swali: Hebu niambie hao ng’ombe walikuwa wangapi na waliibwa lini. Hao ng’ombe uliwanunua kwa muda gani ?.

Jibu:
Mimi nilianza kuomba Dar es Salaam siku chache kabla ya Nyerere kutundika bendera yake na kushuka ile ya mkoloni (Desemba 09,1961) na kwa hiyo mimi niliingia pale kabla ya Nyerere kutawala ndiyo maana huyo Makamba wenu sitaki anihangaishe kwa kuwa hata mimi ni mtoto wa mjini.

Kwa hiyo tangu wakati huo nilikuwa namaliza wakati mwingine miezi sita au mitano narudi na kila niliporudi niliweza kununua kati ya ng’ombe watatu mpaka watano na kwa mwaka mmoja niliweza kununua kati ya ng’ombe nane au 10 ?.

Swali: Hao ng’ombe ulikuwa ukiweka kwa nani na ulikuwa ukimlipa ujira kiasi gani ili aweze kukulindia mifugo yako ?.

Jibu:
Ng’ombe walikuwa wakitunzwa na ndugu zangu akiwepo mdogo wangu ambaye alikuwa akiishi nyumbani kwangu Kilimatinde.

Mimi nilikuwa namsaidia kila alichokuwa akikihitaji lakini baadaye walianza kunifanyia fujo na kuiba na walipoondoka nyumbani, watu wengine waliiba ng’ombe 37 ambao walikuwa ndio wa mwisho; nikachukia na kuhama huko nikaja katika kijiji cha Mpamantwa (kilomita 3 kutoka Bahi sokoni.

Swali:
Kama hutaki kununua tena mifugo, pesa unazorudi nazo unafanyia kazi gani sasa ?.

Jibu:Nakula mimi na wakati mwingine nawapa watoto wangu nao wanakwenda kuhemea chakula ambacho tunakula wote nikiona zinakaribia kuisha, naondoka tena. Lakini nyingine zinanisaidia kununua mboga za kubadilisha nikiona nimechoka mboga zao.

Kitendo cha kuibiwa na kunyanyaswa na ndugu zangu ambao wanaona kilinikera sana na nikakata tamaa ya kununua mifugo na hata kujenga nyumba ingawa uwezo huo ninao, lakini nahofia kuwa watanidhuru.

Swali: Hivi Matonya una mke au watoto na kama unao ni wangapi na wako wapi kwa sasa ?.

Jibu: Mke sina kwani niliachana na mke wangu wakati wa Vita ya Idd Amini na Nyerere (1978-1979) na tangu wakati huo sijaoa na sina mpango huo kwa kuwa huyo alikuwa ni mke wangu wa tatu katika maisha yangu hivyo sitaki kuoa tena.

Swali: Vipi kuhusu watoto. Una wangapi na wako wapi? Na hao watoto ni wa mke wako yupi kati ya hao watatu uliowahi kuishi nao ?.

Jibu:
Nina watoto wawili Eliza na Ernest, huyo hapo ni Eliza na Ernest yuko Dar es Salaam ni dereva wa magari ya huko. Watoto hawa ni wa mke wangu wa mwisho ambaye yuko hapo Mpamantwa anaitwa Paulina Ngalya.

Swali: Ni lini unafikiria kustaafu kazi yako ambayo umeifanya kwa muda mrefu ?.

Jibu:Labla serikali inijengee nyumba nzuri hapa na inipe mtu wa kunitunza au hata wakijenga nyumba nzuri kwa mtoto wangu halafu wanisaidie na chakula pamoja na chai ya kila siku, mimi naweza kustaafu kazi yangu lakini bila ya kufanya hivyo kazi yangu nitakufa nayo.

Matonya anasema kuwa amekuwa akipata kati ya Sh50,000 hadi 100,000 kwa mwezi na mara nyingi anarudi kijijini kila baada ya miezi miwili au mitatu tangu alipoanz`a kazi hiyo mwaka 1961.

Kurudi kwake nyumbani kunasukumwa na woga kuwa akikaa muda mrefu watu wanaweza kumvamia na kumnyang’anya fedha ambazo anakuwa ameshadunduliza, lakini pia anasema amekuwa akikumbuka sana mazingira ya nyumbani, hasa chakula cha asili ukiwemo ugali na mlenda.

Kuhusu sababu za kufanya kazi yake ya kuomba jijini Dar es salaam na Morogoro badala ya mkoa wake wa Dodoma, Matonya anasema:

“Siwezi kuomba Dodoma kwa kuwa bado ni mji mdogo sana tena hauna wazungu ambao wanaweza kunipa hata Sh 1,000 kwa mara moja. Matajiri wa Dodoma ni wachoyo sana; wanatoa Sh50 au Sh100, sasa mtu si unaweza kufa kwa njaa.”

Kuhusu miji ya Dar es Salaam na Morogoro, Matonya anasema kuwa Dar ni kuzuri kuliko Morogoro kwa kuwa kipato cha Morogoro ni Kati ya Sh4,000 na Sh5,000 kwa siku wakati Dar ni kati ya Sh5,000 hadi Sh7,000 kwa siku na chakula cha Dar es Salaam bei ndogo kuliko mahali pengine lakini pia anasifia kwa usafi kuwa hawezi kupata Kipindupindu.

“Lakini hata hapa nina maandalizi ya kwenda Dar es Salaam ili nikale Sikukuu ya Krismasi huko kwa kuwa kule kunakuwa kumechangamka zaidi ya maeneo mengine na wakati huo pesa zinakuwa ni nyingi," anasema Matonya.

Kuhusu nani amekuwa akimpeleka huko, Matonya anasema: “Sina shida kwa kuwa ninaporudi na pesa zangu baadhi huwa za kula na nyingine za nauli.

Huwa naweka ambazo nikishuka naweza kukodisha gari inanipeleka mahali ambapo napataka mimi na ninafika huko nikiwa na pesa za kula angalau siku moja au mbili lakini nakumbuka nauli yangu ya kwanza miaka hiyo (1961) nilikopa kwa ndugu yangu mmoja wa Kintinku sasa hivi sitaki kukopa tena.”

Elizabeth, 36, mtoto wa kwanza wa Mzee Matonya, anasema kuwa walipokuwa wadogo walishuhudia baba yao akiwa na ng’ombe wengi, lakini wote walikwisha wakati wao wakiwa wadogo.

Kuhusu maisha ya baba yake ya kuomba, Eliza anasema hata kama angefungwa kwa minyororo ya chuma bado angeondoka na kwenda kuomba kwa kuwa ndiyo maisha yake waliyomkuta nayo wakati wanazaliwa.

“Sisi hatumuwezi kwa kuwa nimekuwa nikimlazimisha kukaa nyumbani kutokana na umri wake kuwa mkubwa, lakini anakataa na wakati mwingine ananitukana kwa hiyo nilishamuacha."

Kuhusu maisha ya kaka yake anayeishi Jijini Dar es Salaam, anasema 'mambo yake sio mabaya' ingawa anapingana na kauli ya baba yake kwa kusema kuwa sio dereva bali siku za nyuma aliwahi kufanya kazi katika magari ya abiria, lakini kwa saa hajui anafanya kazi gani.

Alisema ana mke na watoto watatu.

Anasema sababu kubwa inayomkimbiza baba yake kijijini ni kutaka kunywa chai kila wakati na anapokosa kutokana na ugumu wa maisha ya kijiji, inakuwa ni tabu kwake.

Mwenyekiti wa mtaa, Adam Mwalami anasema kuwa amekuwa akimuona Matonya akirudi nyumbani zaidi ya mara tatu kwa mwaka na kila anaporudi amekuwa ni mmoja wa wazee wasio na tabu katika maisha ya kawaida ingawa anasema ni mkorofi anapobaini kuwa haki haikutendeka kwa jambo linalomhusu.

Naye mkuu wa Wilaya ya Bahi, Mkwasa anakiri kuwa dereva wake amekuwa akimrudisha mara kadhaa kila anapokuwa ametimuliwa huko jijini na kwamba kila anaporudishwa hukabidhiwa kwa mtoto wake wa kike, lakini baada ya siku kadhaa huondoka tena.
===========================================
DONDOO KUHUSU MATONYA
Jina lake halisi ni Paulo Mawezi
Jina Matonya ni la utotoni
Ni mume wa wake watatu
Ni baba wa watoto wawili, Elizabeth na Ernest
Aliishi Kilimatinde, Singida miaka 30 iliyopita
Sasa ni mkazi wa Bahi Sokoni, Dodoma
Alianza 'kazi' ya ombaomba kabla ya uhuru
Hukusanya kati ya sh 4000 na 7000 kwa siku
Alitoroka kambini Moro, akapandishwa kizimbani
Kuila Krisimas 2010 jijini Dar es Salaam.

IMEANDALIWA NA HABEL CHIDAWALE, DODOMA.